ट्रम्प यांच्यावर आरोप करणारी पॉर्नस्टार अटकेत

डॅनियलच्या वकिलांनी दिलेल्या माहितीनुसार, ओहियोमधल्या स्ट्रिप क्लबमध्ये एका ग्राहकाला लैंगिक भावनेची हेतू न ठेवता स्पर्श करू दिल्याने तिला अटक करण्यात आली आहे. ही एकप्रकारे थट्टाच असून यामागे राजकीय षडयंत्र असल्याचंही त्यांनी म्हटलं आहे. त्याचसोबत याविरोधात आपण लढणार असून लवकरात लवकर तिला जामिन मिळावा यासाठी प्रयत्न करणार असल्याचंही त्याने स्पष्ट केलं.

अमेरिकेचे राष्ट्राध्यक्ष डोनाल्ड ट्रम्प यांच्यासोबत कथित संबंध असल्याच्या आरोपांमुळे डॅनियल बरीच चर्चेत आली होती. याबाबत कुठेच वाच्यता न करण्यासाठी २०१६ मध्ये एक लाख ३० हजार डॉलर्स मिळाल्याचेही तिने म्हटलं होतं. मात्र, ट्रम्प यांनी तिचे सर्व आरोप फेटाळले होते.