हिमाचल प्रदेशच्या मुख्यमंत्रीपदी सुखविंदर सिंग सुखू; उपमुख्यमंत्रीपदी मुकेश अग्निहोत्री यांची निवड, आज शपथविधी

हिमाचल प्रदेश काँग्रेस समितीचे माजी अध्यक्ष सुखू हे चार वेळा आमदारपदी निवडून गेले आहेत. ते पक्षनेते राहुल गांधी यांच्या निकटवर्तीय मानले जातात. काँग्रेसचे दिग्गज नेते आणि सहा वेळा मुख्यमंत्रिपद भूषवलेले दिवंगत वीरभद्र सिंह यांचे विरोधक अशी त्यांची ओळख आहे. शनिवारी संध्याकाळी उशिरा सिमला येथे पक्षाच्या नवनिर्वाचित आमदारांच्या बैठकीत सुखू यांची काँग्रेस विधिमंडळ पक्षनेतेपदी निवड होण्याची शक्यता आहे. विधिमंडळ पक्षाची २४ तासांतील ही दुसरी बैठक असेल. शुक्रवारी संध्याकाळी झालेल्या बैठकीत आमदारांनी पक्षाध्यक्षांना विधिमंडळ पक्षनेता (मुख्यमंत्री) निवडण्याचे अधिकार देण्याचा ठराव एकमताने मंजूर केला होता.

आणखी वाचा

राज्यात ईएसआयसी १८ नवी रुग्णालये उभारणार, रायगडमध्ये सर्वाधिक चार रुग्णालये, भूसंपादनाची प्रक्रिया सुरू

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

राज्यातील सहा जिल्हा परिषद, ४४ पंचायत समितींवर ‘प्रशासक राज’; मुदतवाढ नाहीच

साहसी भांडवलदारांसाठी संधीचा सुकाळ

कल्याण-डोंबिवलीत मालमत्ता कर, पाणीपट्टी सवलतीची अभय योजना

राष्ट्रवादीच्या मंत्र्यांचा जनता संवाद उपक्रम; आठवड्यातील तीन दिवस मंत्री पक्षाच्या मुख्यालयात

समुद्री घोड्यांच्या संवर्धन, प्रजनन प्रकल्पासाठी सिंधुदुर्गची निवड

कोणत्याही कार्यालयातून दस्तनोंदणीची मुभा; मुख्यमंत्री देवेंद्र फडणवीस यांची घोषणा

काँग्रेसने ६८ पैकी ४० विधानसभा जागांवर विजय मिळवत बहुमत मिळवल्याने हिमाचल प्रदेशमधील भाजपची सत्ता संपुष्टात आली. काँग्रेसच्या प्रदेशाध्यक्ष व वीरभद्र सिंह यांच्या पत्नी प्रतिभा सिंह व विधानसभेतील विरोधी पक्षनेते मुकेश अग्निहोत्री यांच्यासह अनेक नेते मुख्यमंत्रिपदाच्या शर्यतीत होते. त्यासाठी या इच्छुकांनी मोर्चेबांधणी चालवली होती. विधिमंडळ पक्षाची म्हणजे नवनिर्वाचित काँग्रेस आमदारांची बैठक शनिवारी संध्याकाळी विधानसभा भवनातच होणार असल्याची माहिती कुल्लूचे आमदार सुंदर सिंग ठाकर यांनी दिली. याआधी पक्षाध्यक्ष मल्लिकार्जुन खरगे यांनी पक्षाचे निरीक्षक हिमाचलला पाठवले असल्याचे सांगितले होते. 

हिमाचलप्रमाणे कर्नाटकमध्येही एकजुटीने काम करा : खरगे

कलबुर्गी (कर्नाटक) : हिमाचल प्रदेशच्या मुख्यमंत्री-उपमुख्यमंत्रिपदाचा शपथविधी उद्या, रविवारी (१२ डिसेंबर) होणार असल्याचे काँग्रेस अध्यक्ष मल्लिकार्जुन खरगे यांनी शनिवारी कर्नाटकात पत्रकारांना सांगितले. काँग्रेसच्या पक्षाध्यक्षपदी निवड झाल्यानंतर प्रथमच आपल्या कलबुर्गी या गावाला खरगे यांनी भेट दिली. या वेळी त्यांनी कर्नाटकमध्ये पुढील वर्षी एप्रिल-मेमध्ये होणाऱ्या विधानसभा निवडणुकीत एकजुटीने काम करण्याचे आवाहन काँग्रेस नेते-कार्यकर्त्यांना केले. ते म्हणाले, की हिमाचल प्रदेशमध्ये दहा कलमी कार्यक्रम देऊन काँग्रेसने विजय मिळवला. तेथे आपण चांगल्या बहुमताने विजयी झालो आहोत. उद्या तेथे आपल्या सरकारचा शपथविधी सोहळा आहे. त्यामुळेच मी पक्षाच्या वरिष्ठ नेत्यांशी चर्चा करण्यासाठी गेलो होतो. येथे पक्षाच्या मोठय़ा मेळाव्यात बोलताना खरगे म्हणाले, की सर्व सबंधितांशी चर्चा केल्यानंतर आम्ही मुख्यमंत्री व उपमुख्यमंत्रिपदाचा शपथविधी उद्या, रविवारी करण्याचा निर्णय घेतला आहे. हिमाचलप्रमाणे कर्नाटकमध्येही विजय मिळवण्यासाठी सर्वानी हातमिळवणी करून एकजुटीने काम करण्यासाठी पुढाकार घेतला पाहिजे. मला कर्नाटकमध्ये काँग्रेस पक्षाचे सरकार हवे आहे.