संतापजनक ! शहीदाच्या कुटुंबीयाला दिलेला पाच लाखांचा धनादेश बाऊन्स

रंजीतकुमार शेखपुरा येथील रहिवासी होता. रंजीतकुमार यांचे कुटुंबीय अनेक दिवसांपासून धनादेश वटवण्यासाठी फिरत होते. माध्यमांत आलेल्या वृत्तानुसार, रंजीतकुमारच्या पत्नी सरितादेवींनी पाच लाख रूपयांचा तो धनादेश एचडीएफसी बँकेच्या शेखपुरा शाखेत जमा केला होता. परंतु, तो चेक वटण्याऐवजी जमुई, पाटणा आणि नोएडाच्या बँकेत फिरत राहिला.

रंजीतकुमार यांच्या कुटुंबीयांना देण्यात आलेल्या धनादेशावरील स्वाक्षरीमध्ये चूक झाली होती, अशी माहिती शेखपुराचे जिल्हाधिकारी दिनेश कुमार यांनी सांगितले. २४ एप्रिल रोजी छत्तीसगड येथील सुकमा जिल्ह्यात नक्षलवाद्यांनी सीआरपीएफच्या एका गटावर हल्ला केला होता. या हल्ल्यात २५ जवान हुतात्मा तर सहा जण गंभीर जखमी झाले होते. सुमारे ३०० हून अधिक नक्षलवाद्यांनी हा हल्ला केल्याचे सांगण्यात येते. नंतर काही लोकांना पकडण्यातही आले होते. ग्रामस्थांच्या मदतीने नक्षलवाद्यांनी हा हल्ला केल्याचे बोलले जाते.