K Kavitha Bail News: दिल्ली मद्य धोरण गैरव्यवहार प्रकरणी भारत राष्ट्र समितीच्या नेत्या तथा माजी मुख्यमंत्री के चंद्रशेखर राव यांच्या कन्या आमदार के.कविता यांना सर्वोच्च न्यायालयाने जामीन मंजूर केला आहे. दिल्ली मद्य धोरण गैरव्यवहार प्रकरणामध्ये के कविता यांना मार्चमध्ये ईडीकडून अटक करण्यात आली होती. गेल्या ६ महिन्यांपासून त्या तुरुंगात आहेत. दिल्ली मद्य घोटाळा प्रकरणात ईडीने आमदार के.कविता यांच्या हैदराबाद येथील निवासस्थानी १५ मार्च रोजी छापे टाकले होते. त्यानंतर त्यांना अटक करण्यात आली होती.
दरम्यान, के कविता यांच्यावर दिल्ली मद्य घोटाळा प्रकरणात आम आदमी पक्षाच्या नेत्यांशी १०० कोटींचा व्यवहार केल्याचा दावा ईडीने केला होता. आज के.कविता यांच्या जामीनावरील याचिकेवर सर्वोच्च न्यायालयात सुनावणी पार पडली. यावेळी दिल्ली मद्य घोटाळा प्रकरणातील कोणत्याही पुराव्यांशी छेडछाड करणार नाही, तसेच साक्षीदारांवर कोणताही प्रभाव टाकणार नाही, या अटीसंह सर्वोच्च न्यायालयाने के कविता यांना जामीन मंजूर केला आहे.
Supreme Court grants bail to BRS leader K Kavitha in the excise policy irregularities case. Supreme Court sets aside Delhi High Court order which rejected her bail plea pic.twitter.com/7btCnn0wM0
— ANI (@ANI) August 27, 2024
के.कविता यांच्यावर काय आरोप आहेत?
दिल्ली मद्य धोरण घोटाळ्याप्रकरणी १ डिसेंबर २०२२ रोजी सीबीआयने के.कविता यांची त्यांच्या हैदराबाद येथील निवासस्थानी चौकशी केली. ही चौकशी जवळपास सात तास चालली होती. ईडीच्या म्हणण्यानुसार, के.कविता या आम आदमी पक्षाला १०० कोटींची कथित लाच देणाऱ्या ‘साऊथ ग्रुप’शी संबंधित आहेत. दिल्लीतील अबकारी धोरण बदलून आपल्याला फायदा मिळेल, असे धोरण आखण्यासंबंधी ही लाच देण्यात आली होती, असा आरोप ईडीकडून करण्यात आला होता.
के.कविता कोण आहेत?
के.कविता या माजी मुख्यमंत्री के.चंद्रशेखर राव यांच्या कन्या आहेत. तसेच विधान परिषदेच्या आमदार आहेत. कविता यांनी २०१४ मध्ये सक्रीय राजकारणात प्रवेश केला. यानंतर त्यांनी ‘बीआरएस’कडून २०१४ ला लोकसभेची निवडणूक लढवली होती. या निवडणुकीत त्या विजयी झाल्या होत्या. मात्र, २०१९ च्या लोकसभा निवडणुकीत त्यांना पराभवाला सामोरं जावं लागलं होतं. यानंतर त्या २०२१ मध्ये विधानपरिषदेवर निवडून आल्या होत्या.
मद्य धोरण प्रकरणात कोणत्या नेत्यांवर कारवाई झाली?
दिल्ली मद्य घोटाळा प्रकरणात आम आदमी पक्षाचे नेते मनीष सिसोदिया, ‘आप’चे खासदार संजय सिंह यांच्यावर ईडीकडून कारवाई करण्यात आली होती. मनीष सिसोदिया हे जवळपास एक वर्षांपासून तुरुंगात होते. मात्र, काही दिवसांपूर्वीच त्यांना जामीन मंजूर झाला. तसेच संजय सिंह यांनाही जामीन मंजूर झालेला आहे. दिल्ली मद्य गैरव्यवहार प्रकरणात मुख्यमंत्री अरविंद केजरीवाल यांनाही अटक झालेली असून ते सध्या तुरुंगात आहेत.
दरम्यान, के कविता यांच्यावर दिल्ली मद्य घोटाळा प्रकरणात आम आदमी पक्षाच्या नेत्यांशी १०० कोटींचा व्यवहार केल्याचा दावा ईडीने केला होता. आज के.कविता यांच्या जामीनावरील याचिकेवर सर्वोच्च न्यायालयात सुनावणी पार पडली. यावेळी दिल्ली मद्य घोटाळा प्रकरणातील कोणत्याही पुराव्यांशी छेडछाड करणार नाही, तसेच साक्षीदारांवर कोणताही प्रभाव टाकणार नाही, या अटीसंह सर्वोच्च न्यायालयाने के कविता यांना जामीन मंजूर केला आहे.
Supreme Court grants bail to BRS leader K Kavitha in the excise policy irregularities case. Supreme Court sets aside Delhi High Court order which rejected her bail plea pic.twitter.com/7btCnn0wM0
— ANI (@ANI) August 27, 2024
के.कविता यांच्यावर काय आरोप आहेत?
दिल्ली मद्य धोरण घोटाळ्याप्रकरणी १ डिसेंबर २०२२ रोजी सीबीआयने के.कविता यांची त्यांच्या हैदराबाद येथील निवासस्थानी चौकशी केली. ही चौकशी जवळपास सात तास चालली होती. ईडीच्या म्हणण्यानुसार, के.कविता या आम आदमी पक्षाला १०० कोटींची कथित लाच देणाऱ्या ‘साऊथ ग्रुप’शी संबंधित आहेत. दिल्लीतील अबकारी धोरण बदलून आपल्याला फायदा मिळेल, असे धोरण आखण्यासंबंधी ही लाच देण्यात आली होती, असा आरोप ईडीकडून करण्यात आला होता.
के.कविता कोण आहेत?
के.कविता या माजी मुख्यमंत्री के.चंद्रशेखर राव यांच्या कन्या आहेत. तसेच विधान परिषदेच्या आमदार आहेत. कविता यांनी २०१४ मध्ये सक्रीय राजकारणात प्रवेश केला. यानंतर त्यांनी ‘बीआरएस’कडून २०१४ ला लोकसभेची निवडणूक लढवली होती. या निवडणुकीत त्या विजयी झाल्या होत्या. मात्र, २०१९ च्या लोकसभा निवडणुकीत त्यांना पराभवाला सामोरं जावं लागलं होतं. यानंतर त्या २०२१ मध्ये विधानपरिषदेवर निवडून आल्या होत्या.
मद्य धोरण प्रकरणात कोणत्या नेत्यांवर कारवाई झाली?
दिल्ली मद्य घोटाळा प्रकरणात आम आदमी पक्षाचे नेते मनीष सिसोदिया, ‘आप’चे खासदार संजय सिंह यांच्यावर ईडीकडून कारवाई करण्यात आली होती. मनीष सिसोदिया हे जवळपास एक वर्षांपासून तुरुंगात होते. मात्र, काही दिवसांपूर्वीच त्यांना जामीन मंजूर झाला. तसेच संजय सिंह यांनाही जामीन मंजूर झालेला आहे. दिल्ली मद्य गैरव्यवहार प्रकरणात मुख्यमंत्री अरविंद केजरीवाल यांनाही अटक झालेली असून ते सध्या तुरुंगात आहेत.
