SC Hearing on Municipal Corporation Election Live Updates : स्थानिक स्वराज्य संस्थांच्या निवडणुकीसंदर्भात आज (मंगळवार, २५ फेब्रुवारी) सर्वोच्च न्यायालयात सुनावणी होणार आहे. या सुनावणीकडे राज्यातील जनतेचं व राजकीय पक्षांचं लक्ष लागलं आहे. न्यायालय या संदर्भात शासनाला, निवडणूक आयोगाला काय निर्देश देणार याबाबत सर्वांच्याच मनात उस्तुकता आहे. न्यायालय आजच निर्देश देणार की सुनावणीची पुढची तारीख देणार असा प्रश्न सर्वांना पडला आहे. एप्रिल महिन्याच्या शेवटच्या आठवड्यात किंवा मे महिन्याच्या पहिल्या आठवड्यात या निवडणुका होतील अशी शक्यता वर्तवली जात आहे. तर काही राजकीय विश्लेषकांच्या मते या निवडणुका ऑक्टोबर महिन्यापर्यंत पुढे ढखलल्या जाऊ शकतात. या सर्व चर्चा व प्रश्नांना आज पूर्णविराम मिळू शकतो.
SC Hearing on Corporation Election Live, 25 February 2025 : स्थानिक स्वराज्य संस्थांच्या निवडणुकीबाबतच्या सर्वोच्च न्यायालयातील सुनावणी अपडेट्स एकाच क्लिकवर.
स्थानिक स्वराज्य संस्थांच्या निवडणुकीसंदर्भात सर्वोच्च न्यायालयात दाखल याचिकेवर आज (२५ फेब्रुवारी) सुनावणी झाली. मात्र, यावर अद्याप कोणताही निकाल लागलेला नाही, किंवा न्यायालयाने कोणतेही निर्देश दिलेले नाहीत. याप्रकरणा आता ४ मार्च रोजी पुढील सुनावणी होणार आहे. त्यामुळे राज्यातील महापालिकांच्या रखडलेल्या निवडणुका पुन्हा लांबणीवर पडणार आहेत. दोन्ही बाजूच्या वकीलांनी पुढील सुनावणीसाठी ४ मार्च ही तारीख सुचवली होती. त्यावर न्यायालयाने अनुकूलता दर्शवली.
नवी मुंबई महापालिका चार वर्षांपासून निवडणुकीच्या प्रतीक्षेत
नवी मुंबई महापालिकेची मुदत ९ मे २०२० रोजी संपुष्टात आली होती. मात्र, करोनामुळे (लॉकडाऊन) त्यावेळी निवडणूक घेता आली नाही. त्यानंतर नव्या सरकारने ( एकनाथ शिंदे) त्यासाठी प्रयत्न केले नाहीत. त्यामुळे नवी मुंबईकर चार वर्षांपासून निवडणुकीच्या प्रतीक्षेत आहेत.
प्रभाग रचनेतील बदलांवरील आक्षेपांमुळे प्रकरण सर्वोच्च न्यायालयात
७ मार्च २०२२ पासून आजपर्यंत प्रभाग रचनेतील संख्यात्मक बदल (२२७ ऐवजी २३६ प्रभाग) यावरील अक्षेपामुळे प्रकरण मुंबई उच्च न्यायालयात आणि तेथून सर्वोच्च न्यायालयात गेलं आहे.
दोन वर्षांपासून मुंबई महापालिका निवडणुकीच्या प्रतीक्षेत
मुंबई महापालिकेची पाच वर्षांची मुदत ७ मार्च २०२२ रोजी संपुष्टात आली. तेव्हापासून महापालिका आयुक्त हे प्रशासक म्हणून मुंबई महापालिकेचा कारभार पाहत आहेत.
एप्रिल-मे महिन्यात निवडणूक घेणे शक्य
आजच्या सुनावणीत सकारात्मक निर्णय झाला आणि न्यायलयाने निवडणूक घेण्याबाबत हिरवा कंदील दर्शविला तर राजकीय पक्षांना आणि इच्छुकांना मोठा दिलासा मिळणार आहे. न्यायलयाने सकारात्मक निर्णय दिल्यास राज्यातील मुंबई, नवी मुंबई महापालिका स्थानिक स्वराज्य संस्थांच्या निवडणुका मे महिन्याच्या अखेरपर्यंत घेणे शक्य आहे.
आज निकाल लागणार?
याआधी २५ फेब्रुवारी रोजी सर्वोच्च न्यायालयात सुनावणी पार पडली होती. त्यावेळी न्यायालयाने पुढील सुनावणी २५ मार्च रोजी होईल असं संगितलं होतं.
अनेक याचिका प्रलंबित
मुंबई महापालिकेसह राज्यातील अनेक स्थानिक स्वराज्य संस्थांच्या निवडणुका प्रलंबित आहेत. अनेक ठिकाणी पाच ते सहा वर्षांपासून निवडणुकाच झालेल्या नाहीत. अनेक शहरांचा कारभार प्रशासकांच्या हाती सोपवण्यात आला आहे. या निवडणुकांसंदर्भात सर्वोच्च न्यायालयात याचिका प्रलंबित आहेत. त्यावर आज सुनावणी होणार आहे.
