SC Hearing on Corporation Election Live : मुंबईसह राज्यातील स्थानिक स्वराज्य संस्थांच्या निवडणुका कधी? सर्वोच्च न्यायालयात आज सुनावणी

मुंबई महापालिकेची पाच वर्षांची मुदत ७ मार्च २०२२ रोजी संपुष्टात आली. तेव्हापासून महापालिका आयुक्त हे प्रशासक म्हणून मुंबई महापालिकेचा कारभार पाहत आहेत.

आजच्या सुनावणीत सकारात्मक निर्णय झाला आणि न्यायलयाने निवडणूक घेण्याबाबत हिरवा कंदील दर्शविला तर राजकीय पक्षांना आणि इच्छुकांना मोठा दिलासा मिळणार आहे. न्यायलयाने सकारात्मक निर्णय दिल्यास राज्यातील मुंबई, नवी मुंबई महापालिका स्थानिक स्वराज्य संस्थांच्या निवडणुका मे महिन्याच्या अखेरपर्यंत घेणे शक्य आहे.

याआधी २५ फेब्रुवारी रोजी सर्वोच्च न्यायालयात सुनावणी पार पडली होती. त्यावेळी न्यायालयाने पुढील सुनावणी २५ मार्च रोजी होईल असं संगितलं होतं.

मुंबई महापालिकेसह राज्यातील अनेक स्थानिक स्वराज्य संस्थांच्या निवडणुका प्रलंबित आहेत. अनेक ठिकाणी पाच ते सहा वर्षांपासून निवडणुकाच झालेल्या नाहीत. अनेक शहरांचा कारभार प्रशासकांच्या हाती सोपवण्यात आला आहे. या निवडणुकांसंदर्भात सर्वोच्च न्यायालयात याचिका प्रलंबित आहेत. त्यावर आज सुनावणी होणार आहे.