Tajinder Bagga Arrest: कुमार विश्वास यांचा भगवंत मान आणि केजरीवाल यांच्यावर निशाणा, म्हणाले…

कुमार विश्वास यांनी ट्विटरवर लिहिले की, “प्रिय धाकटा भाऊ भगवंत मान, ३०० वर्षात पंजाबने दिल्लीच्या कोणत्याही असुरक्षित हुकूमशहाला आपल्या पराक्रमाशी खेळू दिले नाही. पंजाबने हा मुकुट तुमच्याकडे सोपवला आहे, कोणत्या बुटक्या दुर्योधनाच्या हाती नाही. पंजाबच्या लोकांच्या टॅक्सच्या पैशाचा आणि पोलिसांचा अपमान करू नका. पगडी संमभाल जट्टा!”

भाजपा नेते तजिंदरपाल सिंग बग्गा यांना शुक्रवारी सकाळी पंजाब पोलिसांनी दिल्लीतील त्यांच्या निवासस्थानातून अटक केली. त्यानंतर भाजपाने दिल्लीचे मुख्यमंत्री अरविंद केजरीवाल यांच्यावर टीकास्त्र सोडलं आहे. या अटकेप्रकरणी दिल्ली पोलिसांनी अपहरणाचा गुन्हा दाखल केला आहे. बग्गा यांना अटक करण्यासाठी आलेल्या पंजाब पोलिसांविरोधात गुन्हा दाखल करण्यात आला आहे. दुसरीकडे, बग्गा यांना अटक करून पंजाबला घेऊन जाणारा पोलिसांचा ताफा हरयाणा पोलिसांनी कुरुक्षेत्रात अडवला. पंजाब पोलिसांच्या ताफ्याला हरयाणामध्ये रोखल्यानंतर भाजपा नेते तजिंदर पाल सिंग बग्गा यांना दिल्लीत परत नेण्यात आले आहे.