मंत्री, आमदाराविरुद्ध कारवाई करा- पोलीस

केंद्रीय मंत्री महेश शर्मा आणि मुझफ्फरनगर दंगलीतील आरोपी भाजपचे आमदार संगीत सोम यांच्याविरुद्ध कायदेशीर कारवाई करावी, अशी शिफारस दादरी स्थानिक पोलिसांनी लखनऊमधील पोलीस मुख्यालयाकडे केली आहे. संगीत सोम यांनी केलेल्या भाषणाची व्हिडीओ फीत आपल्याकडे असल्याचा दावा पोलिसांनी केला आहे. त्यामधील काही वक्तव्य प्रक्षोभक असल्याचे पोलिसांनी म्हटले आहे. मुझफ्फरनगर दंगलीचा संदर्भ देऊन सोम यांनी हिंदू पूर्वीप्रमाणे सडेतोड जबाब देण्यास समर्थ असल्याचे म्हटले आहे.