१५० किलो वजन, स्लीम होण्याचं स्वप्न; पण २६ वर्षीय तरुणानं शस्त्रक्रिया करतानाच गमावला जीव

पुद्दुचेरीमधील हेमचंद्रन नावाच्या २६ वर्षीय तरुणाने चेन्नईमधील पम्मल भागात असलेल्या बीपी जैन रुग्णालयात चयापचय आणि बॅरिएट्रिक शस्त्रक्रिया (लठ्ठपणा कमी करणारी) करण्याचा निर्णय घेतला. मंगळवारी (दि. २३ एप्रिल) सकाळी ९.३० वाजता त्याच्यावर शस्त्रक्रिया सुरू झाली. शस्त्रक्रिया सुरू असताना १०.१५ वाजता हेमचंद्रनच्या हृदयाच्या ठोक्याची गती कमी झाली. त्यानंतर त्याला रेला रुग्णालयात हलविण्यात आले. या रुग्णालयातील अतिदक्षता विभागात त्याच्यावर उपचार सुरू असताना रात्रीच त्याची प्राणज्योत मालवली. रेला रुग्णालयाच्या डॉक्टरांनी सांगितले की, आम्ही आता विविध चाचण्या करत असून त्यातून मृत्यूचे कारण तपासत आहोत.

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

D. Y. Chandrachud : संजय राऊतांच्या टीकेवर माजी…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

पडसाद : त्यांच्याविषयी कुतूहल

Sharad Pawar: “मी बोलायला लागलो की पाऊस येतो आणि निकाल…”, शरद पवारांचं सूचक विधान; पावसातल्या ‘त्या’ सभेची पुन्हा चर्चा!

२८ नोव्हेंबरला गुरु बदलणार आपली चाल! ‘या’ राशीच्या लोकांच्या आयुष्यात येणार आनंद, मिळेल अपार धन

‘या’ तारखेला जन्मलेले लोक कमी वयात होतात श्रीमंत, कमावतात आयुष्यात भरपूर धन-संपत्ती

Health Special : जाणून घ्या लठ्ठपणावरचे विविध उपचार

आरोग्य मंत्री सुब्रमण्यम म्हणाले की, हेमचंद्रणच्या पालकांनी मला फोन केला होता. शोकाकुल पालकांना मी आश्वस्त केलं की, या प्रकरणाची चौकशी करून मृत्यूचं नेमकं कारण काय? याचा शोध घेऊ. दरम्यान वैद्यकीय सेवा संचालनालयाने या प्रकरणात वैद्यकीय पथकाकडून कोणताही निष्काळजीपणा झाला नसल्याचे म्हटले आहे.

‘लठ्ठपणा’ वाढण्याची काही महत्वाची कारणे..

सूत्रांनी दिलेल्या माहितीनुसार, हेमचंद्रनच्या पालकांनी उत्तरीय तपासणीसाठी नकार दिला आहे. तसेच राज्य वैद्यकीय परिषदेला त्यांच्याकडून कोणतीही तक्रार प्राप्त झाली नाही. पुद्दुचेरीचे अण्णाद्रमुक पक्षाचे अतिरिक्त सचिव व्ही. मणीकंदन यांनी मात्र मुख्यमंत्र्यांकडे या प्रकरणाची चौकशी करण्याची मागणी केली. केंद्र सरकारला विनंती करून एम्स कडून हेमचंद्रनच्या मृत्यूचा तपास करावा, असे ते म्हणाले. तसेच तमिळनाडू सरकारने सदर रुग्णालयाचा परवाना रद्द करावा, अशीही मागणी त्यांनी केली.