पर्यावरणविषयक मानकांचे ७० कंपन्यांकडून उल्लंघन

ओदिशा येथे अवैध खाण प्रकरणाची चौकशी करण्यासाठी नेमलेल्या न्या. एम.बी. शाह समितीचा अहवाल सादर करण्यात आला असून टाटा, बिर्ला, सेल यांच्यासह ७० कंपन्यांनी पर्यावरणविषयक मार्गदर्शक तत्त्वांचे उल्लंघन केले असल्याचे ताशेरे या अहवालात ओढण्यात आले आहेत. १९९४-९५ नंतर ओदिशात पर्यावरणविषयक नियम, मानके आणि वन कायद्यांची मोठय़ा प्रमाणात पायमल्ली झाल्याचे निरीक्षणही या अहवालात नोंदविण्यात आले आहे. खाणींचे कंत्राट असलेल्या प्रत्येक कंपनीने अशा कायद्यांचे आणि मानकांचे कोणत्या ना कोणत्या प्रकारे उल्लंघन केले आहे. सुमारे ४५ हजार ४५३ कोटी रुपये किमतीचे लोहखनिज आणि ३ हजार ८९ कोटी रुपयांचे मँगेनीज बेकायदेशीरपणे उपसण्यात आले आहे.