बलात्कार, हत्या प्रकरणाची सर्वोच्च न्यायालयाकडून दखल; कोलकात्यातील घटनेप्रकरणी उद्या सुनावणी

कोलकात्यामधील आर. जी. कर वैद्याकीय महाविद्यालय व रुग्णालयात पदव्युत्तर शिक्षण घेणाऱ्या प्रशिक्षणार्थी डॉक्टरवरील बलात्कार आणि हत्याप्रकरणाची सर्वोच्च न्यायालयाने स्वत:हून दखल घेतली आहे. याप्रकरणी न्यायालयाने मंगळवार, २० ऑगस्टला सुनावणी होणार आहे.

आणखी वाचा

Rape On Girl : महाविद्यालयीन तरुणीवर बलात्कार, कॅफेतला व्हिडीओ दाखवून ब्लॅकमेलिंग, सहा नराधम अटकेत

१६ नोव्हेंबर पंचांग: कृतिका नक्षत्रात मेषला शुभ दिवस,…

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

“काँग्रेसने जातीयवाद आणि सांप्रदायिकतेच विष कालवले,” नितीन गडकरी यांची यवतमाळात टीका

एजेवर येणार मोठे संकट, श्वेताच्या ‘त्या’ कृतीमुळे होणार अटक; ‘नवरी मिळे हिटलरला’ मालिका नव्या वळणावर

रामदास आठवलेंकडून ॲड.आंबेडकरांना पुन्हा ऐक्याची साद; म्हणाले, ‘आपण दोघेही नरेंद्र मोदींच्या..’

BJP Worker : भाजपा कार्यकर्त्याचा रक्ताने माखलेला मृतदेह कार्यालयात सापडल्याने खळबळ, महिला अटकेत; कुठे घडली घटना?

सर्वोच्च न्यायालयाच्या संकेतस्थळावर अपलोड करण्यात आलेल्या सूचीनुसार, सरन्यायाधीश धनंजय चंद्रचूड, न्या. जे. बी. पारडीवाला आणि न्या. मनोज मिश्रा यांच्या खंडपीठासमोर ही सुनावणी होईल. ‘आर जी कर वैद्याकीय महाविद्यालय व रुग्णालय, कोलकाता येथे प्रशिक्षणार्थी डॉक्टरवर कथित बलात्कार व हत्या घटना आणि संबंधित मुद्दे’ या शीर्षकाखाली हे प्रकरण सूचिबद्ध करण्यात आले आहे. प्रशिक्षणार्थीडॉक्टरचा मृतदेह ९ ऑगस्टला रुग्णालयामध्ये आढळला होता आणि मृतदेहावर गंभीर जखमांच्या खुणा होत्या. दुसऱ्या दिवशी याप्रकरणी एका स्वयंसेवकाला अटक करण्यात आली. मात्र, प्रकरण दडपण्याचा प्रयत्न करण्यात आल्याच्या संशयावरून शिकाऊ डॉक्टरांमध्ये संतापाची लाट उसळली. त्यापाठोपाठ मोठ्या प्रमाणात जनक्षोभही उसळला. तेव्हापासून या प्रकरणावरून पश्चिम बंगालमध्ये निदर्शने सुरू आहेत. कलकत्ता उच्च न्यायालयाने १३ ऑगस्टला एका आदेशाद्वारे या प्रकरणाचा तपास सीबीआयकडे सोपवला होता. सीबीआय चौकशी सुरू असतानाच आता सर्वोच्च न्यायालयाने स्वत:हून याचिका दाखल करून घेत या प्रकरणात लक्ष घातले आहे.

हेही वाचा >>>Champai Soren : “मुख्यमंत्री म्हणून माझे कार्यक्रम रद्द करण्यात आले, मला पदावरून हटवण्यात आलं, अन् माझा…”; नाराजीच्या चर्चांवर चंपई सोरेन यांची पोस्ट!

माजी प्राचार्यांची तिसऱ्या दिवशी चौकशी

आर. जी. कर वैद्याकीय महाविद्यालय व रुग्णालयाचे माजी प्राचार्य संदीप घोष यांची सीबीआयकडून रविवारी सलग तिसऱ्या दिवशी चौकशी करण्यात आली. घोष रविवारी सीबीआयसमोर हजर झाले असता त्यांना फोन कॉलचे तपशील देण्यास सांगितल्याची माहिती सीबीआय अधिकाऱ्याने दिली. तसेच मोबाइल फोन सेवा प्रदात्यांशीही संपर्क साधण्यात येणार आहे.