काँग्रेसच्या महासचिव प्रियंका गांधी-वढेरा यांचे पती रॉबर्ट वढेरा यांच्या गाडीला बुधवारी अपघात झाला. वढेरा हे आपल्या सुरक्षा रक्षाकांच्या ताफ्यासहीत बारापुला येथून सुखदेव येथील आपल्या कार्यालयात जात असताना हा अपघात घडला. अचानक वढेरा यांच्या गाडीने ब्रेक मारल्याने हा अपघात झाला. अचानक गाडी थांबल्याने वढेरा यांच्या गाडीमागून येणाऱ्या त्यांच्याच सुरक्षा रक्षकांच्या गाडीने वढेरांच्या गाडीला मागून धडक दिली. यानंतर पोलिसांनी वढेरांना बेजबाबदारपणे गाडी चालवण्यासाठी दोषी ठरवत त्यांच्यावर दंडात्मक कारवाई केली. या दुर्घटनेमध्ये कोणीही जखमी झालेलं नाही.
मिळालेल्या माहितीनुसार, वढेरा यांची गाडी वेगाने बारापुला पुलावरुन जात होती. अचानक गाडीने ब्रेक दाबला. त्यामुळे मागून येणाऱ्या गाडीचा चालक गोंधळला आणि त्याचे गाडीवरील नियंत्रण सुटले. ही गाडी वढेरा यांच्या गाडीला धडकली. या प्रकरणामध्ये वाहतूक पोलिसांनी कारवाई करताना बेजबाबदारपणे आणि धोकादायक पद्धतीने गाडी चालवण्याच्या नियमांअंतर्गत १८४ मोटर वाहन कायद्याअंतर्गत म्हणजेच डेंजर्स ड्राइयव्हिंगसाठी दंड करत पावती फाडली.
The vehicle of Robert Vadra was challaned under Section 184 of The Motor Vehicles Act (Dangerous driving). Vadra was going to his office on Wednesday morning with his security personnel. Suddenly his car was hit from behind after it decelerated: Delhi Police
— ANI (@ANI) June 24, 2021
पोलिसांनी दिलेल्या माहितीनुसार ही घटना बुधवारी सकाळी घडली. वाढेरा आपल्या ऑफिसला जात असतानाच वाटेत हा अपघात घडला. अपघात झाल्यानंतर वाढेरा हे गाडीची चावी घेऊन कार्यालयात निघून गेले. त्यानंतर तेथील वाहतूककोंडी आणि बेजबाबदार वर्तवणुकीसाठी निजामुद्दीन पोलीस स्थानकामध्ये त्यांच्या गाडीचं चलान कापण्यात आलं.
