'या' देशात भारतीयांसाठी व्हिसा मोफत, पर्यटनाला चालना देण्याकरता मंत्रिमंडळाचा निर्णय | This Country offers free visas to Indians to revive tourism sgk 96

Free Visa to Indians : भारत, चीन, रशिया, मलेशिया, जपान, इंडोनेशिया आणि थायलंड या देशांना ३१ मार्च २०२४ पर्यंत मोफत व्हिसा देण्याचा निर्णय मंत्रिमंडळाने मंजूर केला आहे.

भारतीयांना मिळणार मोफत व्हिसा (फोटो - pexels)

कोविडनंतर आलेल्या आर्थिक आपत्तीतून सावरण्यासाठी अनेक देशांकडून विविध योजना राबवल्या जात आहेत. विविध धोरणांची अंमलबजावणी करून देशाची आर्थिक घडी व्यवस्थित बसवण्याचा प्रयत्न केला जातोय. पर्यटनाला चालना देऊनही देशातील अर्थव्यवस्थेला बळकटी देण्याचा प्रयत्न केला जात आहे. त्याचनिमित्ताने एका देशाने चक्क सात देशांना मोफत व्हिसा देण्याचा निर्णय घेतला आहे. या सात देशांच्या यादीत भारताचाही समावेश आहे.

श्रीलंकेच्या मंत्रिमंडळाने भारतासह सात देशांना मोफत व्हिसा देण्याचा निर्णय घेतला आहे. भारतासह रशिया, चीन, थायलंड, मलेशिया, इंडोनेशिया आणि जपान या सहा देशांतील पर्यटकांनाही श्रीलंकेचा व्हिसा मोफत मिळणार आहे.

आणखी वाचा

congress leader rahul gandhi made serious allegations on pm modi in jharkhand

पंतप्रधान बड्या उद्योजकांचे हित जोपासतात; राहुल गांधी यांचा आरोप

Daily Horoscope 18 November 2024 in Marathi

१८ नोव्हेंबर पंचांग: संकष्टी चतुर्थी १२ पैकी कोणत्या…

Mumbai Airport International Passengers: मुंबई विमानतळावरून १२ लाख प्रवाशांची आंतरराष्ट्रीय वारी

Jitu Patwari said cm Shivraj Singh launched Ladli Behan Yojana but payments in mp irregular

‘लाडक्या बहिणींना रक्कम नियमित मिळणार का? कारण मध्य प्रदेशात…’

भारतीय विद्यार्थ्यांना नोकरी देणार ऑस्ट्रेलिया; काय आहे ‘MATES’ योजना? याचा लाभ कसा घेता येणार?

जनजागृतीवर ५९ कोटींचा खर्च, तरीही सर्वसामान्यांच्या २,८८० कोटींवर डल्ला…बँकेत तुमचे पैसे…

कॅनडाने १० वर्षांचा टुरिस्ट व्हिसा का थांबवला? कॅनडाला वारंवार भेट देणार्‍या नागरिकांवर होणार परिणाम?

Child Marriage, Supreme Court, Child Marriage Prevention Act,

बालविवाहाचा फेरा : भारत मुक्त कधी होईल?

हेही वाचा >> ‘व्हिसा शॉपिंग’ म्हणजे काय ? युरोपियन देशांमधील प्रवासासाठी हे आवश्यक आहे का ?

भारत, चीन, रशिया, मलेशिया, जपान, इंडोनेशिया आणि थायलंड या देशांना ३१ मार्च २०२४ पर्यंत मोफत व्हिसा देण्याचा निर्णय मंत्रिमंडळाने मंजूर केला आहे, अशी माहिती श्रीलंकेचे परराष्ट्र मंत्री अली सॅब्री यांनी मंगळवारी दिली. कोणत्याही शुल्काशिवाय या सात देशांतील पर्यटक श्रीलंकेचा व्हिसा मिळवू शकणार आहेत.

२०२६ पर्यंत श्रीलंकेने ५० लाख पर्यटकांचं उद्दिष्ट्य ठेवलं आहे, त्यानिमित्ताने केंद्रीय मंत्रिमंडळाने हा निर्णय घेतला आहे. श्रीलंकेच्या पर्यटनासाठी भारत हा एक उत्तम स्रोत आहे. श्रीलंका पर्यटन विभागाने दिलेल्या माहितीनुसार यावर्षी २ लाख ३१० भारतीय पर्यटक श्रीलंकेत गेले होते. तर, १ लाख ३२ हजार ३०० चीन पर्यटक श्रीलंकेत पर्यटनासाठी गेले होते.

२०१९ पासून श्रीलंकेत आर्थिक संकट

२०१९ मध्ये इस्टर संडेदरम्यान मोठा बॉम्ब हल्ला झाला होता. त्यानंतर, २०२० मध्ये कोविडच्या पार्श्वभूमीवर पुकारलेल्या लॉकडाऊनमुळे देशात अनेक व्यवसायांसह पर्यटन व्यवसायही ठप्प झाला होता. परिणामी देशाची अर्थव्यवस्था डबघाईला आली होती. देशाची अर्थव्यवस्था ढासाळली असून महत्त्वाच्या खर्चांसाठीही पैसे उरले नसल्याची कबुली श्रीलंकेचे पंतप्रधान रानिल विक्रमसिंघे यांनी दिली होती.

हेही वाचा >> तुम्ही व्हिसाशिवाय फिरु शकता ‘हे’ ५ सुंदर देश; फक्त पासपोर्ट ठेवा जवळ

कोविडपूर्वी पर्यटन हा श्रीलंकेसाठी महत्त्वाचा व्यवसाय होता. परकीय चलनासाठी पर्यटन हा तिसरा महत्वाचा स्रोत होता. तर,देशाच्या एकूण जीडीपीमध्ये ५ टक्के जीडीपीचा वाटा पर्यटनाचा आहे. सप्टेंबर २०२३ पर्यंत श्रीलंकेत १० लाखांहून अधिक पर्यटन दाखल झाले होते. कोविडनंतरची ही सर्वांत मोठी संख्या आहे. तर, गेल्या आठ महिन्यांत पर्यटनाच्या माध्यमातून १.३ डॉलर बिलिअन व्यवहार पर्यटनाच्या क्षेत्रात झाला आहे. त्यामुळे श्रीलंकेने आता पर्यटनाकडे जास्त लक्ष दिले आहे.

First published on: 25-10-2023 at 13:41 IST

Web Title: This country offers free visas to indians to revive tourism sgk

‘या’ देशात भारतीयांसाठी व्हिसा मोफत, अर्थव्यवस्था सुधारण्यासाठी पर्यटनाकडे लक्ष!

२०१९ पासून श्रीलंकेत आर्थिक संकट