३० हजाराचा पिझ्झा खाणाऱ्यांना १२ हजार रुपये पगाराची नोकरी दिसत नाही – गिरीराज सिंह

आम्ही चार कोटी लोकांना नोकऱ्या दिल्या, हा भाग वेगळा कि, यातल्या ७० टक्के नोकऱ्या या १२ हजारापेक्षा कमी पगाराच्या आहेत. कौशल्याच्या बळावर जगाचा विकास होतो. आपल्या देशात पंतप्रधान नरेंद्र मोदी पहिल्यांदा कौशल्य प्रशिक्षण कार्यक्रमाबद्दल बोलले असे गिरीराज सिंह म्हणाले. जे ३० हजार रुपयांचा पिझ्झा खातात त्यांना १२ हजार रुपये पगाराच्या नोकऱ्या दिसणार नाहीत. त्यांना फक्त पकोडे दिसतात रोजगार नाही असे गिरीराज म्हणाले.

मुद्रा योजनेतंर्गत उद्योगासाठी कर्ज देण्याबरोबर आपल्या मंत्रालयाने १० कोटी रोजगार निर्मिती केली असा दावा गिरीराज सिंह यांनी केला. काँग्रेसप्रणीत संयुक्त पुरोगामी आघाडी सरकारच्या काळात २०१० ते २०१४ दरम्यान ११ लाख उद्योजक तयार झाले असतील तर आम्ही १६ लाख उद्योजक तयार केले असे गिरीराज सिंह म्हणाले. केव्हीआयसीच्या कार्यक्रमात बोलताना गिरीराज सिंह यांनी ही विधाने केली.