हरियाणात भाजपची धावाधाव; विरोधी आमदार संपर्कात, माजी मुख्यमंत्र्यांचा दावा

हरियाणामध्ये २५ मे रोजी लोकसभेसाठी मतदान होणार असताना राज्यात राजकीय साठमारी सुरू झाली आहे. अपक्ष आमदार सोम्बिर संगवान, रणधीरसिंह गोलन आणि धर्मपाल गोंदर यांनी मुख्यमंत्री नायबसिंह सैनी सरकारचा पाठिंबा मंगळवारी काढल्याने सरकार अल्पमतात आल्याचा दावा काँग्रेसने केला असून राज्यपालांना पत्र लिहून राष्ट्रपती राजवट लागू करण्याची मागणी केली आहे. खट्टर सरकारमध्ये भाजपबरोबर असलेल्या चौताला यांनीही सैनी यांनी राजीनामा द्यावा, अशी मागणी केली. आम्ही पाठिंबा देऊ, आता काँग्रेसने निर्णय घ्यावा, असे चौताला म्हणाले. हरियाणाच्या ९० सदस्यांच्या विधानसभेमध्ये दोन सदस्य लोकसभा निवडणूक लढवत असून त्यांनी राजीनामा दिल्याने ८८ सदस्य राहिले आहेत. बहुमताचा आकडा ४५ आहे. भाजपकडे ४० आमदार असून अन्य दोन अपक्ष व हरियाणा लोकहित पक्षाचे गोपाल कांडा यांचा पाठिंबा असल्याने ४३ संख्याबळ आहे.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

यश-रेवतीच्या नात्यामुळे सासू-सून पुन्हा समोरासमोर येणार; ‘नवरी मिळे हिटलरला’ मालिकेत पुढे काय घडणार?

कल्याणमधील भटक्या श्वानाचे तीन जणांना चावे, भटक्या श्वानांच्या उपद्रवाने नागरिक, शाळकरी विद्यार्थी त्रस्त

डोंबिवलीत आजदे पाड्यातील गळक्या जलवाहिनीमुळे रस्त्यावर चिखल नागरिक त्रस्त, शाळकरी विद्यार्थ्यांचे हाल

विवाहित प्रेयसीची अंधारातील भेट प्रियकराच्या जीवावर बेतली

“रिल पुन्हा बनवता येईल लेकरु गेलं तर?” मुलाला धावत्या कारच्या बोनेटवर बसवून रील शूट; VIDEO पाहताना श्वास रोखून धराल

पुणे: बांधकाम बंद ठेवण्याच्या नोटिशींचा ‘फार्स’ ?

काँग्रेसकडे ३० आमदार असून बहुमतासाठी आणखी १५ सदस्यांच्या पाठिंब्याची गरज आहे. जननायक जनता पक्षाचे १० आमदार असून तीन अपक्षांनी काँग्रेसला पाठिंबा दिला आहे. राष्ट्रीय लोकदलाचे अभय चौताला यांचाही काँग्रेसला पाठिंबा मिळू शकतो.