VIDEO: ‘खड्ड्यात गेला कायदा, आचारसंहितेचंही बघून घेऊ’; राऊतांची जीभ घसरली

प्रचारसभेत आचारसंहितेबद्दल बोलताना राऊत म्हणाले, ‘ निवडणुकीचे वातावरण असल्याने सारखं सारखं आचारसंहिता आहे आचारसंहिता आहे असं बोललं जातं. त्यामुळे माझ्या मनात आचारसंहितेबद्दल कायम एक भिती असते. मात्र आम्ही कायदा वगैरे मानणाऱ्यांपैकी नाही. त्यात आम्हाला सतत आचारसंहिता आहे आचारसंहिता आहे असं सांगितलं जातं. पण आम्ही असे लोकं आहोत ज्यांच्यासाठी खड्ड्यात गेला कायदा, आचारसंहितेचही आम्ही बघून घेऊ. जी गोष्ट आमच्या मनात आहे, हृद्यात आहे ती आम्ही बाहेर नाही काढली तर गुदमरल्यासारखे होते.’ या भाषणाचा व्हिडीओ एएनआय या वृत्तसंस्थेने ट्विट केला आहे.

#WATCH Maharashtra: Shiv Sena’s Sanjay Raut speaks on Model Code of Conduct during Elections. Says, “…Hum aise log hain, bhaad mein gaya kanoon, achar sanhita bhi hum dekh lenge. Jo baat hamare mann mein hai wo agar hum mann se bahar nahi nikalein to ghutan si hoti hai” (14.04) pic.twitter.com/9B6w1yAawJ

— ANI (@ANI) April 15, 2019

लोकसभा निवडणुकींच्या प्रचारादरम्यान नेत्यांनी केलेल्या वक्तव्यांमुळे आचारसंहिता भंग झाल्याची अनेक प्रकरणे समोर आली आहेत. आचारसंहितेचा भंग केल्याप्रकरणी उत्तर प्रदेशचे मुख्यमंत्री योगी अदित्यनाथ यांच्यावर तीन दिवसांची तर बसपाच्या मायावती यांच्यावर दोन दिवसाची प्रचारबंदी निवडणूक आयोगाने लागू केली आहे. हे प्रकरण ताजे असतानाच आता राऊत यांचा हा व्हिडीओ समोर आला आहे. सेना आणि भाजपाची युती झाल्यानंतर राज्यभरात युतीच्या प्रचारसभांमध्ये सहभागी होताना दिसत आहे. यापैकी एका सभेमध्ये राऊत यांनी केलेल्या वक्तव्यावरुन आता त्यांच्यावर टिका होताना दिसत आहे.