मॉर्निंग बुलेटिन : पाच महत्त्वाच्या बातम्या

राम मंदिर निर्माणाच्या मागणीसाठी आज अयोध्येत हिंदुत्ववादी संघटनांनी ठाण मांडले आहे. सकाळी ११ ते सायंकाळी ४ वाजेपर्यंत ही धर्मसभा असणार आहे. यामध्ये सुमारे ३ लाख रामभक्त सहभागी होतील असे सांगण्यात येत आहे. तर दुसरीकडे शिवसेना प्रमुख उद्धव ठाकरे सहपरिवार अयोध्येतील रामलल्लाचे दर्शन घेणार आहेत. हजारो शिवसैनिकही येथे उपस्थित आहेत. वाचा सविस्तर

शेट्टींबरोबरच्या मैत्रीने ‘राष्ट्रवादी’चे कार्यकर्ते दुरावले!

लोकसभा निवडणुकीसाठी नवे मित्र जमवताना जुना सहकारी गमवावा लागल्याचे चित्र राष्ट्रवादी काँग्रेसचे ज्येष्ठ नेते शरद पवार यांच्या कोल्हापुरातील दौऱ्यात दिसून येत आहे. आजवर हाडवैर असलेल्या स्वाभिमानी शेतकरी संघटनेचे संस्थापक , खासदार राजू शेट्टी यांना राष्ट्रवादीच्या कोटय़ातून हातकणंगले मतदारसंघ सोडून मैत्रीचा हात पवार यांनी पुढे केला. पण, या निर्णयाने निष्ठावान पक्ष कार्यकर्त्यांमध्ये खळबळ उडाली आहे. वाचा सविस्तर

डाळी महाग

यंदा सरत्या पावसाने दगा दिल्याने कृषीउत्पादनाला फटका बसला असून डाळींचे उत्पादनही घटल्याने त्यांचे दर कडाडू लागले आहेत. गेल्या दहा दिवसांपासून मुंबई, ठाणे आणि परिसरात जवळपास सर्वच डाळींचे किरकोळीचे दर किलोमागे दहा ते पंधरा रुपयांनी वाढले आहेत. वाचा सविस्तर

WWT20 : ऑस्ट्रेलियन महिलांचा विश्वविजेतेपदाचा चौकार

अंतिम सामन्यात इंग्लंड महिला संघाचा ८ गड्यांनी पराभव करत ऑस्ट्रेलियाच्या महिला संघाने महिला टी-२० वर्ल्डकपवर चौथ्यांदा नाव कोरलं आहे. गार्डनसच्या अष्टपैलू खेळीच्या बळावर ऑस्ट्रेलियाने इंग्लंड संघाचा ८ गड्याने पराभव केला. इंग्लंडने दिलेले १०६ धावांचे आव्हान ऑस्ट्रेलियाने दोन गड्यांच्या मोबदल्यात पार केले.वाचा सविस्तर

९० हजारांचे बूट घालून मलायकाची अर्जून कपूरसोबत डिनर डेट

अर्जुन आणि मलायका अनेक वेळा एकत्र दिसून येतात. ‘लॅक्मे फॅशन वीक २०१८’ मध्ये ही जोडी एकत्र दिसली होती. त्यानंतर आता नुकतीच ती अर्जुनच्या कुटुंबियांसोबत डिनरला गेल्याचे फोटो व्हायरल झाले आहेत. जुहू येथील सोहो हाऊस येथे हे सगळे एकत्र आले होते. महागडे बूट घालून ती अर्जुन कपूरसोबत डिनर डेटला गेली या चर्चांना उधाण आले आहे…वाचा सविस्तर