फेक अकाउंटवरच्या कारवाईचा सगळ्यात जास्त फटका मोदींच्या ट्विटर हँडलला

टि्वटरने बनावट अकाउंटवर सुरु केलेल्या कारवाईमुळे भारतातील अनेक नेत्यांच्या फॉलोअर्समध्ये मोठी घट झाली आहे. टि्वटरने बनावट अकाउंट विरोधात सुरु केलेल्या या मोहिमेचा सर्वात जास्त फटका पंतप्रधान नरेंद्र मोदी आणि काँग्रेस नेते शशी थरुर या दोन राजकरण्यांना बसला आहे. अवघ्या एका दिवसात पंतप्रधान नरेंद्र मोदींच्या पर्सनल टि्वटर हँडलवरील फॉलोअर्सची संख्या २ लाख ८४ हजार ७४६ ने कमी झाली आहे. १२ जुलै रोजी मोदींचे टि्वटरवर ४ कोटी ३३ लाख ८३ हजार ५२५ फॉलोअर्स होते. आज १३ जुलैला हीच संख्या ४ कोटी ३० लाख ९८ हजार ७७९ आहे. त्यांच्या अधिकृत पीएमओ इंडिया टि्वटर हँडलवरही १ लाख ४० हजार ६३५ फॉलोअर्स कमी झाले आहेत.