“हा वाद महागात पडणार याची जाणीव झाल्यानेच मोदी सरकारने…”, ठाकरे गटाचं टीकास्र!

नेमकं काय घडलंय?

गेल्या वर्षभरापासून देशभरात विविध प्रकारची आंदोलनं झाल्याचं दिसून आलं. त्यातही दिल्लीत झालेलं कुस्तीपटूंचं आंदोलन प्रचंड चर्चेत आलं. काही महिने लढा दिल्यानंतर केंद्र सरकारने कुस्तीपटूंना काहीसा दिलासा देत ब्रिजभूषण सिंह यांना कुस्ती महासंघाच्या अध्यक्षपदावरून पायउतार व्हायला लावलं. मात्र, नुकत्याच पार पडलेल्या महासंघाच्या निवडणुकांमध्ये ब्रिजभूषण सिंह यांचेच निकटवर्तीय अध्यक्षपदी बसल्यामुळे त्यावर कुस्तीपटूंकडून तीव्र प्रतिक्रिया उमटल्या. साक्षी मलिकनं थेट कुस्तीतून निवृत्ती जाहीर केली. बजरंग पुनियानं पंतप्रधानांच्या निवासस्थानाबाहेर त्यांना लिहिलेल्या एका पत्रावर त्याचा पद्म पुरस्कार ठेवला. परिणामी कुस्ती महासंघ बरखास्त करण्याचा निर्णय केंद्रीय क्रीडा मंत्रालयाला घ्यावा लागला.

आणखी वाचा

Manoj Jarange : ‘धनंजय मुंडे सरकारवरील डाग, त्यांच्या गुंडाची टोळी थांबवा, अन्यथा आम्ही…’, मनोज जरांगेंचा मोठा इशारा

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

“पुढील मकर संक्रांतीपर्यंत ठाकरे-फडणवीस एकत्र”, आमदार रवी राणांचा दावा

इंडिया आघाडीत बिघाडी? विसंवादावरून ठाकरे गटाची काँग्रेसवर तोफ; म्हणाले, “हेवेदावे, जळमटे अन् कुरघोड्यांना…”

MVA : “महाविकास आघाडी उद्ध्वस्त होतेय, जनतेने त्यांना हाकलून दिले”, ठाकरे गटाचा स्वबळाचा नारा; अजित पवार गटाचा टोला

Vijay Wadettiwar : “आम्ही उद्धव ठाकरेंना विनंती करू, अन्यथा…”, ठाकरे गटाच्या स्वबळाच्या घोषणेवर विजय वडेट्टीवारांचं मोठं विधान

Varsha Gaikwad : “आम्हीही मुंबईपासून नागपूरपर्यंत…”, ठाकरे गटाच्या स्वबळाच्या घोषणेवर वर्षा गायकवाड यांची सूचक प्रतिक्रिया

Devendra Fadnavis : “चंद्रपूरचे आपण सगळेच वाली! कुणीही सुग्रीव नाही, मी कुणासारखा जोक…”; देवेंद्र फडणवीसांचा उद्धव ठाकरेंना टोला?

“निवडणुकांना काही अवधी असता तर…”

“संजय सिंह हे बृजभूषण यांचे खासमखास तर होतेच, शिवाय तेवढेच वादग्रस्त होते. कुस्ती महासंघातील हा बदल न्यायासाठी झगडणाऱ्या कुस्तीपटूंसाठी ‘पंत गेले, राव लढले’ असाच होता. मात्र आता लोकसभा निवडणुकीच्या तोंडावर हा वाद महागात पडणार याची जाणीव झाल्यानेच मोदी सरकारला जाग आली आणि राष्ट्रीय कुस्ती महासंघ नवनिर्वाचित अध्यक्ष संजय सिंह यांच्यासह बरखास्त करण्याचा निर्णय घेण्यात आला, हे उघड आहे. लोकसभा निवडणुकीला काही अवधी असता तर कदाचित मोदी सरकारचे कुस्तीपटूंच्या आंदोलनाबाबत ‘वेड पांघरून पेडगावला जाणे’ सुरूच राहिले असते”, अशी टीका सामना अग्रलेखातून करण्यात आली आहे.

“सत्ता गेल्याने उद्धव ठाकरे पागल…”, केंद्रीय मंत्री नारायण राणेंची बोचरी टीका

“राष्ट्रीय कुस्ती महासंघ नवीन पदाधिकाऱ्यांसह बरखास्त झाल्याने कुस्तीपटूंना संपूर्ण न्याय नाही, तरी दिलासा मिळाला आहे. वर्षभर झोपेचे सोंग घेतलेल्या मोदी सरकारला ही जाग तोंडावर आलेल्या लोकसभा निवडणुकीमुळे आली आहे. तेव्हा मोदी सरकारचे आता किंचित थरथरलेले कानाचे पडदे पुन्हा बधिर होऊ नयेत यासाठी कुस्तीपटूंना यापुढेही हाकारे-नगारे वाजवावेच लागतील”, असंही ठाकरे गटानं म्हटलं आहे.