इंफाळ विमानतळावर UFO दिसल्याच्या बातमीने खळबळ, भारतीय वायूदलाने पाठवली राफेल विमानं, पुढे काय झालं?

संरक्षण विभागातील सूत्रांच्या हवाल्याने एएनआय या वृत्तसंस्थेने बातमी दिली आहे की, इंफाळ विमानतळावर यूएफओ दिसल्याच्या बातमीने विमानतळ प्रशासनाचा गोंधळ उडाला होता. ही बातमी मिळताच इंफाळजवळच्या भारतीय वायूदलाच्या तळावरून एक राफेल लढाऊ विमान यूएफओच्या शोधात पाठवण्यात आलं. अत्याधुनिक सेन्सर्स असलेल्या या विमानाने संशयित भागात यूएफओ शोधण्यासाठी उड्डाण केलं. ज्या भागात यूएफओ दिसल्याची बातमी मिळाली होती, त्या भागात राफेलने शोधाशोध केली. परंतु, यूएफओ कुठेही सापडलं नाही.

आणखी वाचा

हेलिकॉप्टर उडणार नाही ही भीती; पाच मिनिट अन् गृहमंत्री अमित शहा सभा सोडून…

Nana Patole : निकालाआधी राजकीय घडामोडींना वेग; यातच…

आकाशात झेपावलेल्या विमानात बॉम्ब ठेवल्याचा फोन अन्…

महाविकास आघाडीने जाहीरनामा चोरला; एकनाथ शिंदे यांचा आरोप

बँगा तपासल्या तर आगपाखड कशासाठी ? श्रीकांत शिंदे यांची उध्दव ठाकरे यांच्यावर टीका

वाढत्या विमान धमक्यांचा ५१० उड्डाणांवर परिणाम…धमकीखोरांच्या बंदोबस्तासाठी कोणत्या उपाययोजना? किती परिणामकारक?

मुंबई विमानतळावरून पावणेतीन कोटींचे सोने जप्त, दोन कर्मचाऱ्यांना अटक

यूएफओच्या शोधात पाठवण्यात आलेलं पहिलं राफेल विमान परतल्यानंतर वायूदलाने आणखी एक राफेल विमान यूएफओच्या शोधात पाठवलं. दुसऱ्या राफेल विमानाच्या पायलटलाही यूएफओ आढळलं नाही. दरम्यान, संरक्षण अधिकारी यूएफओची महिती मिळवण्याचा प्रयत्न करत आहेत. कारण इंफाळ विमानतळाजवळ यूएफओ उडतानाचे व्हिडीओदेखील समोर आले आहेत.

हे ही वाचा >> “हमासने इस्रायलवर हल्ला केलाच नाही, हा हल्ला…”; पॅलेस्टिनचा मोठा दावा, म्हणाले…

दरम्यान, यूएफओच्या बातमीनंतर वायूदलाने एअर डिफेन्स रिस्पॉन्स मेकॅनिझ्म ही प्रणाली सक्रीय केली आहे. वायूदलाच्या ईस्टर्न कमांडने एक्स या मायक्रोब्लॉगिंग प्लॅटफॉर्मवर केलेल्या पोस्टमध्ये म्हटलं आहे की, भारतीय वायूदलाने इंफाळ विमानतळावरील कथित यूएफओशी संबंधित व्हिडीओच्या आधारावर सुरक्षेसाठी एअर डिफेन्स रिस्पॉन्स मेकॅनिझ्म प्रणाली सक्रीय केली आहे. परंतु, अशी कोणतीही उडणारी वस्तू आढळली नाही.