सत्तेत आल्यास सुशिक्षित बेरोजगारांना दरमहा ८५०० रुपये : काँग्रेस

नवी दिल्ली : सत्तेत आल्यास एका वर्षासाठी दिल्लीतील सुशिक्षित बेरोजगारांना दरमहा ८५०० रुपये देण्याचे आश्वासन काँग्रेसने रविवारी दिले. विधानसभा निवडणुकांपूर्वी काँग्रेसने केलेली ही तिसरी घोषणा आहे.‘युवा उडान योजने’अंतर्गत ही आर्थिक मदत दिली जाणार असून ती मोफत नसल्याचे काँग्रेसचे सरचिटणीस सचिन पायलट पत्रपरिषदेत म्हणाले.जे तरुण कंपनी, कारखाना किंवा संस्थेत आपले कौशल्य दाखवू शकतात त्यांना आर्थिक सहाय देणार असल्याचे व त्यांना या कंपन्यांच्या माध्यमातून पैसे मिळतील, असे ते म्हणाले. यासोबतच घरात बसून पैसे मिळतील, अशी ही योजना नसल्याचेदेखील त्यांनी भाजपचे नाव न घेता टीका केली.