धक्कादायक! प्रवाशाने विमानाचा आपत्कालीन दरवाजा उघडला आणि पंखांवर चालू लागला

आपल्याकडे लक्ष वेधून घेण्यासाठी काही जण जगावेगळं करण्याचा प्रयत्न करतात. मग ते चुकीचं असलं तरी कुठलाच विचार करत नाहीत. असाच काहीसा धक्कादायक प्रकार अमेरिकेतील शिकागोमध्ये घडला. एका प्रवाशाने अचानक विमानाचा आपत्कालीन दरवाजा उघडला आणि विमानाच्या पंखांवर चालू लागले. मात्र घटनेवेळी विमान धावपट्टीवरच होते. विमान शिकागोच्या ओ हारे आंतरराष्ट्रीय विमानतळावर उभं होतं. याप्रकरणी पोलिसांनी आरोपीला ताब्यात घेतल असून हा प्रवाशी कॅलिफोर्नियाचा असल्याचं सांगण्यात येत आहे. शिकागो पोलीस विभागाच्या माहितीनुसार, “एक व्यक्ती विमानात होता तो गेटजवळ आला आणि त्याने आपत्कालीन दरवाजा उघडला आणि विमानाच्या पंखांवर चालू लागला. त्याला विमानाच्या पंखांवर चालताना पाहून विमानात बसलेले इतर प्रवासीही घाबरले होते.”