१५ वर्षात पहिल्यांदाच ग्राम प्रमुख गँगस्टर विकास दुबेच्या परिवारातून नाही!

विजयी उमेदवार मधू यांनी त्यांचे विरोधी उमेदवार बिंदू कुमार यांना ५४ मतांनी हरवल्याची माहिती मिळत आहे. मधू यांनी एकूण ३८१ मतं मिळवली असून कुमार यांना ३२७ मतं मिळाली आहेत.

हे पद अनुसूचित जातींसाठी राखीव करण्यात आलं होतं. या पदासाठी १० उमेदवार निवडणुकीच्या रिंगणात उतरले होते. निवडणूक जिंकल्यावर मधू यांनी माध्यमांशी बोलताना सांगितलं की त्यांनी समाजातल्या अन्यायाविरुद्ध लढण्यासाठी ही निवडणूक लढवली होती.

गेली १५ वर्षे गँगस्टर विकास दुबे याच्या परिवारातले लोक ही निवडणूक बिनविरोध जिंकत आले होते, अशी माहिती तिथल्या अधिकाऱ्यांनी दिली आहे.
उत्तर प्रदेशातल्या पंचायत निवडणुकीचा निकाल लवकरच जाहीर होणार आहे. त्यासाठीची मतमोजणी सुरु झाली आहे. ८२९ केंद्रांवरची मतमोजमीची ही प्रक्रिया पूर्ण व्हायला २ दिवस लागतील असा अंदाज वर्तवला जात आहे.