उत्तर प्रदेशमध्ये खळबळजनक घटना समोर आली आहे. बहिणीचे प्रेमप्रकरण भावाला मान्य नव्हते. त्याच रागातून भावाने बहिणीचा खून केला आहे. पहिल्यांदा भावाने बहिणीचं शीर धडावेगळं केलं. त्यानंतर ते शीर घेऊन तो पोलीस ठाण्यात पोहचला. याप्रकरणी पोलिसांनी आरोपी भावाला अटक केली आहे.
फतेहपूर परिसरातील मिथवारा गावात ही घटना घडली आहे. रियाज असं अटक करण्यात आलेल्या आरोपीचं नाव आहे. तर, चांद बाबू असं बहिणीच्या प्रियकारचं नाव आहे.
हेही वाचा : धक्कादायक: दिल्लीत २६ वर्षीय फॅशन डिझायनर तरुणी आढळली मृतावस्थेत
काही दिवसांपूर्वी तरुणी प्रियकर चांद बाबूबरोबर पळून गेली होती. त्यानंतर तरुणीच्या कुटुंबीयांनी पोलीस ठाण्यात तक्रार दिली. पोलिसांनी चांद बाबूला अटक करत तरुणीला कुटुंबीयांच्या ताब्यात दिलं होतं.
हेही वाचा : सीमा हैदर भारतात कशी आली? उत्तर प्रदेश एटीएस पथकाकडून सखोल चौकशी, गुप्तहेर असल्याचा संशय!
अशातच आरोपी रियाज आणि बहिणीमध्ये जोराचे भांडण झाले. हा वाद एवढा टोकाला गेला की, रागाच्या भरात रियाजने बहिणीचं शीर धडावेगळं केलं. नंतर बहिणीचे शीर घेऊन रियाज पोलीस ठाण्यात पोहोचला. पोलिसांनी रियाजला अटक केली आहे. तसेच, तरुणीचा मृतदेह शवविच्छेदनासाठी पाठवला आहे. ‘एनडीटीव्ही’ने याबाबत वृत्त दिलं आहे.
