चीनच्या विरोधानंतरही पलोसी यांचा तैवान दौरा पूर्ण ; दक्षिण कोरियाला रवाना; सिंगापूर, मलेशिया आणि जपानलाही भेट देणार

तत्पूर्वी, तैवान भेटीदरम्यान या शिष्टमंडळाने अमेरिका तैवानबाबत वचनबद्ध असून, मागे हटणार नसल्याची ग्वाही दिली. पलोसी या २५ वर्षांत तैवानला भेट देणाऱ्या अमेरिकेच्या प्रतिनिधिगृहाच्या पहिल्या अध्यक्ष आहेत. तैवानचे राष्ट्राध्यक्ष त्साई इंग वेन यांची भेट घेतल्यानंतर एका संक्षिप्त निवेदनात नमूद करण्यात आले, की आज जगासमोर लोकशाही आणि निरंकुशतेपैकी एक पर्याय निवडण्याचे आव्हान आहे. तैवान आणि जगभरातील लोकशाहीवादी देशांच्या रक्षणाबाबत अमेरिका कटिबद्ध आहे.