उत्तराखंडचे माजी आमदार आणि भाजपा नेते कुंवर प्रणव चॅम्पियन यांनी रविवारी खानापूरचे आमदार उमेश कुमार यांच्या रुरकी येथील निवासस्थानावर गोळीबार केला. याप्रकरणी त्यांना अटक करण्यात आल्याची माहिती पोलिसांनी दिली. इंडियन एक्स्प्रेसने यासंदर्भातील वृत्त दिलं आहे.

वरिष्ठ पोलीस अधीक्षक (हरिद्वार) परमेंदर डोभाल यांनी दिलेल्या माहितीनुसार, रविवारी दुपारी अपक्ष आमदार उमेश कुमार यांच्या निवासस्थानासमोर ही घटना घडली. “आम्हाला सोशल मीडियावरील क्लिपद्वारे तसेच स्थानिक पोलीस ठाण्यातून माजी आमदाराने आमदाराच्या घरावर गोळीबार केल्याची माहिती मिळाली. माजी आमदार आणि त्यांच्या साथीदारांना आम्ही अटक केली आहे. आम्ही दोषींवर कठोर कारवाई करू”, असं डोभाल म्हणाले. एसएसपीने इंडियन एक्स्प्रेसला सांगितले की, दोन्ही पक्षांनी तक्रारी दाखल केल्यानंतर क्रॉस एफआयआर नोंदवण्यात आला आहे.

नक्की वाचा
Aaditya Thackeray alleged Sanjay Gupta
Aaditya Thackeray : “हे लज्जास्पद आहे”, शिवसेनेच्या तोतया प्रवक्त्यावर संतापले आदित्य ठाकरे; करणार कायदेशीर कारवाई
Mahakumbh 2025 Mamta Kulkarni Kinnar Akhada
Mahakumbh 2025: इंजिनीअर्स, डॉक्टर्स व तरुणांना किन्नर आखाड्याचे आकर्षण का?
karnataka ballari kidnapping cctv footage
Karnataka Kidnapping CCTV Video: खंडणी मागितली ६ कोटींची, पण उलट ३०० रुपये देऊन सोडून दिलं; कर्नाटकमधील डॉक्टर अपहरण प्रकरण चर्चेत!
Torres Scam
Torres Case Update: टोरेस कंपनीच्या CEO ला पुण्याजवळून अटक; मुंबई पोलिसांची मोठी कारवाई!
waqf board amendment bill 2024
Waqf Board Bill: वक्फ बोर्ड विधेयकासंदर्भातल्या बैठकीत सत्ताधाऱ्यांच्या १२ सुधारणा मंजूर, विरोधकांच्या सर्व सुधारणा फेटाळल्या!
Protest by a pro-Khalistan mob outside the Indian High Commission in London met counter-protest
Video : लंडनमध्ये खलिस्तान समर्थकांना भारतीयांनी दिलं सडेतोड उत्तर; भारतीय दूतावासाबाहेर निदर्शनं सुरू होताच…
Amit Shah maha kumbh ANI
Maharashtra Breaking News Updates : महाकुंभ : अमित शाहांचं त्रिवेणी संगमावर शाही स्नान
Maharashtra Assembly Election 2024 Live Updates in Marathi
Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

“आम्ही या प्रकरणाची चौकशी करत आहोत. कायदा हातात घेण्याचा अधिकार कोणालाही नाही. दोन्ही पक्षांवर आरोप आहेत आणि आम्ही त्यांचा शोध घेत आहोत. माजी आमदाराने वापरलेली बंदूक परवानाधारक आहे की नाही हे आम्ही तपासत आहोत” असंही ते म्हणाले.

हेही वाचा

निघून जातानाही त्यांनी केला गोळीबार

व्हिडिओमध्ये चॅम्पियन आणि त्याचे सहकारी आमदाराच्या घरी अनेक वेळा गोळीबार करताना आणि शिवीगाळ करताना दिसत आहेत. त्यांनी घरावर दगडफेकही केली. निघून जाण्याआधी कारमध्येमध्ये बसण्याआधी त्यांनी पुन्हा त्यांच्या घरावर गोळीबार केला. सत्ताधारी भाजपाने या घटनेवर चिंता व्यक्त केली, तर विरोधी काँग्रेसने आमदाराच्या घरावर झालेल्या गोळीबाराची घटना राज्यातील “कायदा व सुव्यवस्था ढासळत चालली” अशी टीका केली.

भाजपाची भूमिका काय?

भाजपचे प्रदेशाध्यक्ष महेंद्र भट्ट म्हणाले की, कायदा हातात घेण्याचा अधिकार कोणालाही नाही. अशा प्रकारची कृत्ये थांबली पाहिजेत. जो कोणी असे वातावरण निर्माण करतो त्याला शिक्षा झाली पाहिजे”, असे गोळीबाराच्या घटनेचा संदर्भ देत ते म्हणाले.

काँग्रेसची सडकून टीका

काँग्रेसचे प्रवक्ते शीशपाल सिंह बिश्त म्हणाले की, हा प्रदेश रणांगणात बदलला असून यावरून राज्यातील अराजकता दिसून येते. काँग्रेसने उत्तराखंडमध्ये कायदा आणि सुव्यवस्थेचा अभाव असल्याचे सातत्याने निदर्शनास आणले आहे. खानापूरमध्ये, आजी-माजी आणि विद्यमान आमदार उघडपणे शाब्दिक शिवीगाळ करत आहेत, त्यांच्या टोळ्यांसोबत घातक शस्त्रे उगारत आहेत आणि एकमेकांना धमक्या देत आहेत. या घटनांचे व्हिडिओ सोशल मीडियावर मोठ्या प्रमाणावर प्रसारित केले जात आहेत, तर पोलीस केवळ प्रेक्षक राहिले आहेत”, असा बिश्त यांनी आरोप केला.

Story img Loader