Uttarakhand Bus Accident : उत्तराखंडच्या अल्मोडा दरीत बस कोसळून २३ प्रवाशांचा मृत्यू, अनेक प्रवासी गंभीर जखमी

Uttarakhand Bus Accident : उत्तराखंड येथील अल्मोडा दरीत प्रवासी बस कोसळून २३ प्रवाशांचा मृत्यू झाला. ANI या वृत्तसंस्थेने ही माहिती दिली आहे. बस कोसळताच या ठिकाणी मदत आणि बचावकार्य करण्यासाठी तीन पथकं दाखल झाली. एसडीआरएफतर्फे हे बचावकार्य राबवण्यात येतं आहे. आत्तापर्यंत या अपघातात २३ जणांचा मृत्यू झाला. तसंच इतर लोक जखमी झाले आहेत. अपघातात जे लोक जखमी झाले आहेत त्यांना जवळच्या रुग्णालयात उपचारांसाठी पाठवण्यात आलं आहे अशी माहिती एसडीएम संजय कुमार यांनी दिली.