लस घेतली किंवा नाही, पण त्रिसूत्रीचे पालन महत्वाचे; केंद्राच्या वैज्ञानिक सल्लागारांचे मत

लस घेतली किंवा नाही पण मास्क आवश्यक

के विजय राघवन म्हणाले, “लस घेतली किंवा नाही, मास्क, सोशल डिस्टन्स पाळणे आवश्यक आहे. लोकांनी त्यांचे रक्षण बंद करू नये. लोकांनी त्यांचे रक्षण करणे बंद करू नये. आरोग्य यंत्रणेवरील दबाव कमी करण्यासाठीही हे महत्वाचे आहे. वैयक्तिक आणि समुदाय पातळीवर करोना मार्गदर्शक सूचनांचे पालन करणे आवश्यक आहे.”

“करोनाची तिसरी लाट रोखू शकत नाही. तिसरी लाट कधी येईल हे माहित नाही. मात्र आपल्याला आधीच तयार राहायला हवे. संक्रमण जसजसे वाढत जाईल तसतसे संक्रमित लोकांमध्ये रोगप्रतिकार शक्तीही वाढेल,” असे केंद्र सरकारचे प्रधान वैज्ञानिक सल्लागार म्हणाले.

भारतात आज (शनिवार) करोनाचे नवीन ३,२६,०९८ रुग्ण आढळले. तर ३९८० रुग्णांचा मृत्यू झाला आहे. केंद्रीय आरोग्य मंत्रालयाने ही माहिती दिली आहे. तसेच गेल्या २४ तासांत सक्रिय रुग्णांमध्ये ३१००० ने घट झाली आहे.