“काँग्रेस पक्ष अक्कलशून्य, त्यांनी मोदी-शाह यांच्यासमोर…”, प्रकाश आंबेडकरांचं टीकास्त्र!

द्रौपदी मुर्मू यांना भाजपाची उमेदवारी

द्रौपदी मुर्मू यांना पाठिंबा देण्यावरून राज्यात सुरू असलेले तर्क-वितर्क उद्धव ठाकरेंच्या घोषणेनंतर थंडावले आहेत. शिवसेना मुर्मू यांनाच निवडणुकीत पाठिंबा देणार असल्याचं स्पष्ट झालं आहे. त्यामुळे त्यांच्यासोबत आघाडीत असणाऱ्या काँग्रेस आणि राष्ट्रवादी काँग्रेससमोर पेच निर्माण झाला आहे. मात्र, स्वतंत्र निर्णय घेण्याचं शिवसेनेचं स्वातंत्र्य मान्य करत काँग्रेस-राष्ट्रवादीनं या विषयावर पडदा टाकला आहे. मात्र, विरोधकांचा राष्ट्रपतीपदाचा उमेदवार निवडण्यात चूक झाल्याची टीका टीव्ही ९ शी बोलताना प्रकाश आंबेडकर यांनी केली आहे.

आणखी वाचा

उपमुख्यमंत्री अजित पवार उद्या बीडमध्ये

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

मतदार वाढीकडे केलेले दुर्लक्ष विधानसभा निवडणुकीत भोवले; विशाल पाटील यांची कबुली

Bharatshet Gogawale : “एक दिवस तुमच्या सुसंस्कृतपणाचा पाढा…”, भरत गोगावलेंचा सुनील तटकरेंना थेट इशारा

“असंविधानिक पदनिर्मितीत महाराष्ट्र सर्वांत पुढे”, खासदार सुप्रिया सुळे यांची टीका

व्यक्तिवेध : सीसिल रिचर्ड्स

अग्रलेख : आजचे बालक; उद्याचे पालक!

Ashok Chavan : आगामी निवडणुकीत महायुती फुटणार? अशोक चव्हाणांच्या विधानाने खळबळ; म्हणाले, “घटकपक्षांच्या विरोधात…”

“राष्ट्रपती पदाच्या निवडणुकीत मतदान करण्यासाठी माझ्याकडे एकही मत नाही. पण सध्या काँग्रेस पक्षाकडून दिवाळखोरीचं राजकारण सुरू आहे. त्यांना विचार नाही. हा पक्ष अमित शाह आणि नरेंद्र मोदी यांच्यासमोर पूर्णपणे शरण गेला आहे”, असं प्रकाश आंबेडकर म्हणाले आहेत.

“आदिवासी वर्गातलाच उमेदवार हवा होता”

दरम्यान, यावेळी बोलताना प्रकाश आंबेडकरांनी आपण आदिवासी वर्गातलाच उमेदवार असायला हवा असं म्हणालो असल्याचं नमूद केलं. ” याआधीही मी म्हणालो होतो की राष्ट्रपती पदाचा उमेदवार निवडत असताना तो आदिवासी वर्गातला असला पाहिजे. माझी ही भूमिका मी विरोधी पक्षाला कळवली होती. एकीकडे हे स्वत:ला विचारांचे ठेकेदार समजतात. पण दुर्दैवाने ते अक्कलशून्य आहेत”, असं आंबेडकर म्हणाले.

मुर्मू यांना शिवसेनेनं दिलेल्या पाठिंब्यामुळे आघाडीत बिघाडी?; उद्धव ठाकरेंच्या घोषणेनंतर काँग्रेस म्हणते, “आम्हाला ठाऊक नाही की…”

“आज भाजपानं एक आदिवासी उमेदवार दिला, पण आपल्याला देता आला नाही हे मोठ्या मनाने मान्य करणं ही दानत ज्यांच्याकडे नाही. त्यांनी इतरांवर टीका करू नये”, अशा शब्दांत प्रकाश आंबेडकरांनी काँग्रेसला खोचक सल्ला दिला आहे.