फटाक्यांच्या कारखान्यातील स्फोटात २१ ठार

व्हिएतनामच्या उत्तरेकडील भागांत असलेल्या लष्करी संकुलातील फटाक्यांच्या कारखान्यात झालेल्या स्फोटात २१ जण ठार झाले असून अनेक जण जखमी झाले आहेत, असे लष्करी अधिकाऱ्यांनी सांगितले.
झेड-१२१ लष्करी संकुलात फटाक्यांच्या कारखान्यात स्फोट झाल्याने कारखान्यातून काळ्या धुराचे लोट बाहेर पडताना दिसत होते. अनेक तास फटाक्यांचे स्फोट झाले. त्यामध्ये बहुसंख्य जण गंभीर भाजले आहेत, असे अधिकाऱ्यांनी सांगितले.
या स्फोटामुळे सदर परिसरात राहणाऱ्या जवळपास दोन हजार नागरिकांना सुरक्षितस्थळी हलवावे लागले. मात्र आता आग नियंत्रणात आणण्यात आली असल्याचे पोलिसांनी सांगितले. स्फोट कशामुळे झाला त्याची चौकशी सुरू करण्यात आली आहे.