Vijay Mallya May Lose Plush London Home Over Unpaid Loans hrc 97 | विजय मल्ल्याला ब्रिटिश न्यायालयाचा दणका; गमावला लंडनमधील आलिशान बंगला

विजय मल्ल्या लंडनमधील त्याच्या आलिशान घरासाठी कायदेशीर लढाई हरला आहे.

(संग्रहित छायाचित्र)

भारतातून पळून गेलेला उद्योगपती विजय मल्ल्या कर्जाच्या ओझ्याखाली दबला आहे. त्यामुळे आता लंडनमधील आलिशान घरही त्याच्या हातातून गेले आहे. स्विस बँक यूबीएससोबत दीर्घकाळ चाललेल्या कायदेशीर वादात ब्रिटीश न्यायालयाने मल्ल्याचा अर्ज फेटाळला आहे. हे घर खाली करण्याचा आदेश काढण्यात आला होता. या आदेशावर स्थगिती आणण्यात यावी, अशी मागणी मल्ल्याने केली होती. परंदू ब्रिटिश न्यायालयाने हा अर्ज फेटाळून लावला आहे. त्यामुळे मल्ल्या लंडनमधील त्याच्या आलिशान घरासाठी कायदेशीर लढाई हरला आहे.

विजय मल्ल्याच्या याचिकेवर, लंडन उच्च न्यायालयाच्या चॅन्सरी विभागाचे न्यायाधीश मॅथ्यू मार्श यांनी निर्णय दिला. कर्जाची रक्कम परत करण्यासाठी मल्ल्या कुटुंबाला आणखी वेळ देण्यासाठी कोणतेही कारण नाही, असं त्यांनी म्हटलंय. त्यामुळे हा आलिशान बंगला मल्ल्याच्या हातातून गेला आहे. विजय मल्ल्यावर स्विस बँकेचे सुमारे २०४ दशलक्ष पौंडांचे कर्ज आहे. या कर्जाची परतफेड त्याला करावी लागणार आहे. हे प्रकरण मल्ल्याची कंपनी असलेल्या रोझ कॅपिटल व्हेंचर्सने घेतलेल्या कर्जाशी संबंधित आहे. ज्यामध्ये किंगफिशर एअरलाइन्सचे माजी मालक विजय मल्ल्या, त्यांची आई ललिता आणि मुलगा सिद्धार्थ मल्ल्या यांना मालमत्ता ताब्यात घेण्याच्या अधिकारासह सह-प्रतिवादी म्हणून सूचीबद्ध करण्यात आले होते.

आणखी वाचा

“४५० ठिकाणचे CCTV, अपहरणासाठी वापरलेली कार अन्…”, पोलीस आयुक्तांनी सांगितलं सतीश वाघ यांच्या मारेकऱ्यांना कसं पकडलं?

nana patekar reacts on allu arjun arrest

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

wardha after DNA test and medical evidence real culprit cought and reveal teacher wast father of child

प्रियकर की शिक्षक ! डीएनए ठरला पुरावा आणि न्यायालयाने ठोठावली शिक्षा

ghatkopar billboard collapse case, High Court,

घाटकोपर फलक दुर्घटना : आरोपी भावेश भिंडेचा जामीन रद्द करा, सत्र न्यायालयाच्या आदेशाला सरकारचे उच्च न्यायालयात आव्हान

Why Siraj Get Heavier Penalty Than Head after Adelaide Controversy

Siraj-Head Fight: मोहम्मद सिराजला ट्रॅव्हिस हेडपेक्षा ICCने जास्त शिक्षा का ठोठावली? काय आहे नेमकं कारण?

villagers rescue accused as well as cop falls into well In sangamner taluka

पुढे आरोपी, मागे पोलीस पाठलागाचा थरार ! आरोपी पाठोपाठ पोलीसही पडला विहिरीत

British Indians stripped of honours by the UK Crown

हिंदूंची बाजू घेतल्याने अन् मोदींचे समर्थन केल्याने किंग चार्ल्स यांनी दोन ब्रिटीश भारतीयांना दिलेला सन्मान परत घेतला; प्रकरण काय?

Loksatta samorchya bakavarun Supreme Court Article Prohibition of conversion of places of worship

समोरच्या बाकावरून: हे सगळे कुठपर्यंत जाणार आहे?

ज्या आलिशान बंगल्याबद्दल हा निर्णय देण्यात आलाय, त्या घरात विजय मल्ल्याची ९५ वर्षांची आई राहते. मार्च २०१६ मध्ये विजय मल्ल्या भारतातून ब्रिटनमध्ये पळून गेला. भारतात, त्याच्यावर ९ हजार कोटी रुपयांची बँकेची फसवणूक केल्याचा आणि मनी लाँड्रिंगचा आरोप आहे. अनेक बँकांनी किंगफिशर एअरलाइन्सला कर्जे दिली होती. या प्रकरणांमध्ये मल्ल्या वॉण्टेड आहे. तर, दुसरीकडे न्यायालयाच्या अवमान प्रकरणी सर्वोच्च न्यायालयात सुरू असलेली सुनावणी मंगळवारी पुढे ढकलण्यात आली. ९ मे २०१७ रोजी सर्वोच्च न्यायालयाने मल्ल्याला मालमत्तेची संपूर्ण माहिती न दिल्याने न्यायालयाचा अवमान केल्याप्रकरणी दोषी ठरवले होते.

६५ वर्षीय मल्ल्या ब्रिटनमध्ये सध्या जामिनावर बाहेर आहे.

First published on: 19-01-2022 at 10:45 IST

Web Title: Vijay mallya may lose plush london home over unpaid loans hrc