“iPhone 16 मध्ये इतका वाईट कॅमेरा कसा काय?”, पेटीएमच्या संस्थापकांची पोस्ट व्हायरल

“मला आश्चर्य वाटते की, आयफोन १६ मध्ये इतका वाईट कॅमेरा कसा काय आहे? तो इतका वाईट आहे की, मी आता पिक्सेल फोन घेण्याचा गांभीर्याने विचार करत आहे. इतरांनाही अशाच अडचणी येत आहेत का?”, असे विजय शेखर शर्मा त्यांच्या पोस्टमध्ये म्हटले आहेत.

दिग्गजांच्या प्रतिक्रिया

दरम्यान विजय शेखर शर्मा यांची ही पोस्ट चांगलीच व्हायरल झाली असून, सामन्य आयफोन युजर्ससह अनेक दिग्गजांनी यावर प्रतिक्रिया दिल्या आहेत. विजय शेखर शर्मा यांच्या पोस्टला उत्तर देताना, गुगलचे माजी एक्झिक्युटिव्ह परमिंदर सिंग म्हणाले की, “मलाही हाच अनुभव आला आहे. कॅमेरा किंवा अॅपमध्ये काहीतरी गंभीर चूक आहे.”

एडलवाईस म्युच्युअल फंडच्या व्यवस्थापकीय संचालक आणि सीईओ राधिका गुप्ता यांनीही प्रतिक्रिया दिली आहे. त्या म्हणाल्या , “पिक्सेल खूप छान आहे! आयफोन सोडून मी आता पिक्सल वापरायला लागले आहे.”

युजर्स काय म्हणाले?

पुढे एका युजरने, “आयफोन ६ हा शेवटचा आयफोन होता ज्यामध्ये नावीन्य होते. नंतरचे आयफोन तांत्रिक वैशिष्ट्यांसह फक्त आकर्षक आहेत”, असे लिहिले. तर दुसरा एक युजर म्हणाला की, “हो, सर. मी सर्व पिक्सेल फोन वापरले आहेत. अलिकडेच आयफोन घेतला होता. पण, आता पुन्हा पिक्सेल घेण्यासाठी उत्सुक आहे. पिक्सेल ९ कॅमेराच्या बाबतीत सर्वोत्तम आहे. तुम्ही तो घेऊ शकता.”