स्वरा भास्करविरोधात आक्षेपार्ह ट्विटप्रकरणी दिग्दर्शक विवेक अग्निहोत्रीचे अकाऊंट ब्लॉक

स्वरा भास्करने केरळचे आमदार पी. सी. जॉर्ज यांच्या एका वक्तव्याचा खरपूस समाचार घेतला होता. जॉर्ज यांनी न्यायाची मागणी करणाऱ्या एका बलात्कार पीडित ननविरोधात अपमानास्पद वक्तव्य केलं होतं. पीडितेने केलेल्या बलात्काराच्या आरोपांवर शंका उपस्थित करताना जॉर्ज यांनी त्या पीडितेलाच वेश्या असं म्हटलं. ‘अत्यंत लज्जास्पद. भारताच्या राजकीय आणि धार्मिक विभाजनावर उपस्थित असलेला हा मळका तवंग. खरंच घृणास्पद वक्तव्य आहे,’ अशा शब्दांत स्वराने फटकारलं.

Absolutely shameful and disgusting!!!! Scum present across political spectrums and religious divides in India. Literally nauseating! https://t.co/zb8NkUaW5x

— Swara Bhasker (@ReallySwara) September 9, 2018

स्वराच्या या ट्विटवर प्रतिक्रिया व्यक्त करताना विवेक अग्निहोत्रीची जीभ घसरली. लैंगिक अत्याचाराविरोधातील #मीटू मोहिमेशी संदर्भ जोडत अग्निहोत्रीने ‘फलक कुठे आहे? #MeTooProstituteNun?,’ असं ट्विट केलं. या आक्षेपार्ह ट्विटवर स्वरा भडकली. यानंतर स्वरा आणि विवेक यांच्यात वाक्युद्ध रंगलं. अखेर स्वराने ट्विटरकडे याविरोधात तक्रार नोंदवली.

Vivek. Just want to point out that you are using the trauma of women who are rape survivors to slut shame and abuse in public a woman you don’t like. In the rare moments of sanity that may visit your brain – otherwise unhinged with hate- think about how low that is. #scum https://t.co/yOpo8nxWqS

— Swara Bhasker (@ReallySwara) September 9, 2018

Thank you @TwitterIndia @TwitterSupport 4 taking cognisance of @vivekagnihotri ‘s abusive tweet. And making him delete it! No tolerance 4 cyber bullying & abuse of women on public platforms! (Or private – but one thing at a time) Thank u#SayNoToBullying pic.twitter.com/psYyVil7EI

— Swara Bhasker (@ReallySwara) September 10, 2018

स्वराच्या तक्रारीची दखल घेत ट्विटरने विवेक अग्निहोत्रीचे अकाऊंट ब्लॉक केले. ‘तुम्ही तक्रार केलेला ट्विटर अकाऊंट तपासल्यानंतर त्यांचं ट्विट ट्विटरच्या नियमांबाहेरचं असल्याचं आम्हाला आढळलं. आम्ही ते अकाऊंट ब्लॉक केलं,’ असं उत्तर ट्विटरने दिलं. त्याचे स्क्रिनशॉट शेअर करत स्वराने ट्विटरचे आभार मानले.