इथे माणुसकीही हरवली! भूस्खलन झाल्यानंतर घर सोडलेल्यांच्या घरात चोरी

Wayanad Landslide: केरळच्या वायनाडमध्ये भूस्खलन झाल्यानंतर सुरक्षिततेच्या कारणास्तव नागरिकांना घर सोडण्यास सांगितले गेले होते. त्या घरांमध्ये आता चोरी झाल्याचे समोर आले आहे.

Wayanad Landslide: भूस्खलनामुळे बाधित नागरिकांच्या घरी चोरी

Wayanad Landslide: देवभूमी म्हणून ओळख असलेल्या केरळमध्ये निसर्गाचे थैमान पाहायला मिळाले. वायनाड जिल्ह्यातील काही गावांमध्ये ३० जुलै रोजी भीषण भूस्खलन झाले. त्यामुळे तीन ते चार गावे बाधित झाली. या दुर्घटनेत २१९ मृत्यू झाल्याचे आतापर्यंत समोर आले आहे. तर शेकडो नागरिक अद्यापही बेपत्ता आहेत. भूस्खलन झाल्यानंतर यंत्रणेकडून बचाव कार्य सुरू असताना शेकडो लोकांना घरातून बाहेर काढून सुरक्षित स्थळी हलविण्यात आले होते. चार दिवसांनंतर जेव्हा हे लोक पुन्हा आपल्या घरी परतले तेव्हा त्यांना धक्का बसला. अनेकांच्या घरात चोरी झाल्याचे समोर आले आहे. आधीच भूस्खलनामुळे स्वकीय गमावलेल्या नागरिकांच्या मनात आता सर्वस्व गमावल्याची भावना निर्माण झाली आहे.

भूस्खलन झाल्यानंतर येथील नागरिकांना बचाव पथकाने सुरक्षेच्या कारणास्तव घरातून बाहेर काढून निवारा केंद्रात हलविले होते. चार दिवसांनंतर जेव्हा नागरिक पुन्हा घरी परतले, तेव्हा त्यांच्या घरातील मौल्यवान वस्तू गहाळ झाल्या असल्याचे लक्षात आले. अनेक स्थानिकांनी आता याबद्दल पोलिसांत तक्रार दाखल केली आहे. तसेच रात्रीच्या वेळी पोलिसांची गस्त वाढविण्यात यावी, अशीही मागणी नागरिकांनी केली आहे. केरळच्या सर्वात मोठ्या नैसर्गिक आपत्तीदरम्यान चोरांनी आपले उखळ पांढरे करून घेतल्याचे यानिमित्ताने दिसून आले आहे.

आणखी वाचा

crores of rupees seized from car in khed shivapur toll naka area

अन्वयार्थ : हजार कोटी सापडले, त्याचे पुढे काय झाले?

Sushma Andhare : “माझी प्रिय भावजय” म्हणत सुषमा…

maharashtra assembly election 2024 traffic diversions in pune city on occasion of pm modi visit

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

Khed Parshuram Ghat accident, Khed Parshuram Ghat,

खेड परशुराम घाटात दाट धुक्यामुळे चार वाहनांचा विचित्र अपघात; वाहनांचे मोठे नुकसान तर जीवितहानी टळली

Devendra Fadnavis Dharni, Chikhaldara Skywalk Work,

‘चिखलदरा स्‍कायवॉकचे काम महाविकास आघाडीने थांबविले’, उपमुख्‍यमंत्री देवेंद्र फडणीसांचा आरोप

सांगली: भाजपचे पदाधिकारी सुधाकर खाडे यांचा जमिनीच्या वादातून खून

नागपूर : महामेट्रोच्या दिव्याखाली अंधार; भुयारी मार्गात दिवसा काळोख, अधिकारी सुस्त

Dhule City Polarization of votes beneficial to any candidate print politics news

लक्षवेधी लढत: धुळे शहर : मतांचे ध्रुवीकरण कोणाला फायदेशीर?

हे वाचा >> Who is Major Sita Shelke: ‘फक्त महिला म्हणून पाहू नका’, वायनाडमध्ये नदीवर पूल उभारणाऱ्या सीता शेळके कोण आहेत?

सर्वस्व गमावलेल्या नागरिकांनी चोरांवर कडक कारवाई करण्याची मागणी केली आहे. रात्रीच्या वेळी जे अनोळखी लोक या परिसरात शिरत आहेत, त्यांच्यावर नजर ठेवण्याची मागणी केली जात आहे. माध्यमांशी बोलतानाही येथील लोकांनी आपली व्यथा मांडली.

गावकरी म्हणाले की, सुरक्षेच्या कारणास्तव आम्हाला नाईलाजाने आमचे घर सोडावे लागले होते. पण जेव्हा आम्ही परत आलो, तेव्हा आमच्या घराचे दार तोडल्याचे लक्षात आले. तसेच घरातील मौल्यवान वस्तू चोरीला गेल्या आहेत. एवढेच नाही तर चोरट्यांनी घरातील कपडेही चोरले आहेत. त्यामुळे आधीच भूस्खलनामुळे त्रस्त झालेल्या नागरिकांसमोर मोठ्या समस्या उभ्या राहिल्या आहेत.

पोलिसांनी नागरिकांच्या तक्रारीची दखल घेतली असून रात्रीच्या वेळी परिसरात गस्त वाढविण्याचे आश्वासन दिले आहे. तसेच चोरट्यांना पकडून त्यांच्यावर कठोर कारवाई करू, असेही पोलिसांनी सांगितले.

हे ही वाचा >> वायनाडमधील भूस्खलनात ४ गावं झाली उद्ध्वस्त; नद्या व चिखलात लोकांचे अवयव सापडले, मन हेलावून टाकतील ही छायाचित्रे

बचाव कार्य सुरूच..

दरम्यान भूस्खलन झालेल्या परिसरात शनिवारीही बचाव कार्य सुरू ठेवण्यात आले. आधुनिक रडार, ड्रोन अशी उपकरणे वापरून गाळात अडकलेल्यांचा शोध घेतला जात आहे. स्थानिकांकडून अजूनही काही लोक बेपत्ता असल्याचे सांगितले जात आहे. त्या पार्श्वभूमीवर शोधमोहीम सुरू आहे. राज्य सरकारने बाधित नागरिकांसाठी पुनर्वसन योजना घोषित केली असून पीडितांसाठी नवी घरे बांधून दिली जाणार आहेत.

भूस्खलन झालेल्या ठिकाणी विविध यंत्रणेचे १३०० जवान कार्यरत आहेत. यामध्ये एनडीआरएफ, के-९ डॉग स्कॉड, लष्कर, विशेष तपास पथक, मद्रास इंजिनिअरिंग ग्रुप, पोलीस, अग्निशमन विभाग, वन विभाग, नौदल आणि सागरी सुरक्षा दलाचे जवान याठिकाणी तैनात केले गेले आहेत.

Web Title: Wayanad abandoned homes being looted after landslides says villagers kvg

Wayanad Landslide: इथे माणुसकीही हरवली! भूस्खलन झाल्यानंतर घर सोडलेल्यांच्या घरात चोरी

बचाव कार्य सुरूच..