Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

आसाम पोलीस भाग्यवान होते की आम्ही त्या सर्वांना मारले नाही. जर ते परत आले तर आम्ही त्या सर्वांना मारु असे वक्तव्य खासदारांनी केले होते

Well kill them all Assam police in action mode after being threatened by Mizoram MP k vanlalvena

आसाम पोलिसांनी या हिंसाचारामागे कट रचण्यात आला होता आणि मिझोरमच्या खासदारांचा यात सहभाग होता असे सांगितले होते (फोटो सौजन्य ANI आणि AP)

आसाम-मिझोरम दरम्यान सीमा विवाद संपल्याचे दिसत नाही. आता आसाम पोलिसांनी मिझोरामचे राज्यसभेचे खासदार के वनलालवेना यांची चौकशी करण्यासाठी दिल्ली येथे एक पथक पाठविण्याची तयारी केली आहे. मिझोरमच्या खासदाराने त्यांच्यावर सीमेजवळ थांबून हल्ला केल्याचा आरोप केला होता. यासह त्यांनी आसाम पोलिसांना जिवे मारण्याची धमकीही दिली. दोन्ही राज्यांच्या पोलीस दलांमध्ये झालेल्या हिंसाचारात आसाम पोलीस दलातील सहा जण आणि एक नागरीक ठार झाला होता.

आसाम पोलिसांनी या हिंसाचारामागे कट रचला होता आणि मिझोरमचे खासदार यात सामील असल्याचे सांगितले होते. यानंतर खासदार वनलालवेना यांनी आसाम पोलिसांना जिवे मारण्याची धमकी दिली.

संसदेबाहेर बोलताना वनलालवेना म्हणाले होती की, “२०० हून अधिक पोलिसांनी आमच्या भागात प्रवेश केला आणि आमच्या पोलिसांना त्यांच्या जागेवरून मागे ढकलले. आम्ही गोळीबार करण्यापूर्वी त्यांनी गोळीबार करण्याचे आदेश दिले. ते भाग्यवान होते की आम्ही त्या सर्वांना मारले नाही. जर ते परत आले तर आम्ही त्या सर्वांना मारु.”

आसामचे वरिष्ठ अधिकारी जी.पी. सिंह यांनी बुधवारी ट्विटमध्ये म्हटले आहे की त्यांची टीम राज्यसभेचे खासदार के. वनलालवेना यांनी माध्यमांना दिलेल्या निवेदनाची आणि त्यांच्या घटनेमागील षडयंत्र संबंधित कारवाईची योजना आखत आहे. या कटात त्याच्या सक्रिय भूमिकेचे संकेत आहेत.

Dholai PS Case No 236/21 under sections 120(B),447,336,379,333,307,302 IPC read with Section 25 (1-A) of Arms Act amd Section 3 of Prevention of Damage to Public property Act 1984 has been registered on July 27th 2021 about killing of Assam Police personnel on July 26th.
— GP Singh (@gpsinghips) July 28, 2021

कछर जिल्ह्यातील इनर लाइन रिझर्व फॉरेस्ट भागात सोमवारी सकाळी सुरू झालेल्या हिंसाचारात ४५ लोक जखमी झाले. हिंसाचारानंतर दोन्ही राज्यांनी एकमेकांवर आरोप प्रत्यारोप केले होते. अशांत भागात शांतता राखण्यासाठी निमलष्करी दले तैनात करावी लागली.

First published on: 29-07-2021 at 11:55 IST

Web Title: Well kill them all assam police in action mode after being threatened by mizoram mp abn

“आम्ही त्या सर्वांना मारुन टाकू”; मिझोरामच्या खासदाराने धमकी दिल्यानंतर आसाम पोलीस अ‍ॅक्शन मोडमध्ये