अमेरिकेत गेल्या काही काळापासून भारतीय विद्यार्थी मृत्यूमुखी पडत आहेत. जानेवारी ते एप्रिल महिन्याच्या मध्यापर्यंत तब्बल ११ विद्यार्थी मृत्यूमुखी पडले आहेत. हे प्रमाण काळजीत टाकणारे असले तरी आता नवी माहिती समोर येत आहे. आता मार्चमध्ये मृत पावलेल्या एका विद्यार्थ्याने आत्महत्या केल्याचे समोर आले आहे. ८ मार्च रोजी फ्रीटाऊन येथे एका गाडीत २० वर्षीय विद्यार्थी मृत्यूमुखी पडल्याचे निदर्शनास आले होते. मॅसॅच्युसेट्स विद्यापीठात पहिल्या वर्षाला शिकणाऱ्या या विद्यार्थ्याचा खून झाला असावा, अशी शक्यता सुरुवातीला व्यक्त करण्यात आली होती. मात्र त्यानंतर ब्रिस्टॉल काऊंटी डिस्ट्रिक अटॉर्नीचे प्रवक्ते ग्रेग मिलिओट यांनी सांगितले की, सदर मृत्यूचा तपास केला असता हे प्रकरण आत्महत्येचे असल्याचे समोर आले. सदर विद्यार्थ्याच्या कुटुंबियांनी केलेल्या विनंतीनंतर विद्यार्थ्याचे नाव जाहीर करण्यात आलेले नाही.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
