केजरीवालांच्या शपथविधीला पंतप्रधान मोदी का होते गैरहजर?

शपथविधी सोहळा झाल्यांनंतर जनतेला संबोधित करताना केजरीवाल म्हणाले की, मी पंतप्रधान नरेंद्र मोदी यांनाही या सोहळ्यासाठी निमंत्रण दिलं होतं. मात्र ते व्यस्त असावेत. त्यामुळे ते येऊ शकले नाहीत.

या सोहळ्यावेळी पंतप्रधान मोदी कुठे होते?
अरविंद केजरीवाल यांचा हा शपथविधी सोहळा दिल्लीत सुरू असताना पंतप्रधान नरेंद्र मोदी वाराणसी येथे होते. त्यांचा हा दौरा पूर्वनियोजित होता. त्यामुळे ते येऊ शकते नसावेत. वाराणसी येथे त्यांनी जंगमवाडी मठाला भेट दिली. तेथे पूजाअर्चा केली. त्यानंतर ते जगतगुकरू विश्वराद्य गुरूकुल शतकोत्सव सोहळ्यासाठी गेले. तेथे त्यांनी उपस्थितांना संबोधितही केले.

Marking hundred years of the Shri Jagadguru Vishwaradhya Gurukul. Watch. https://t.co/ANGClyTl5h

— Narendra Modi (@narendramodi) February 16, 2020

केजरीवालांसह कोणत्या मंत्र्यांनी घेतली शपथ?
केजरीवाल यांनी रविवारी तिसऱ्यांदा दिल्लीचे मुख्यमंत्री म्हणून शपथ घेतली. दिल्लीचे उपराज्यपाल अनिल बैजल यांनी केजरीवाल यांना पद आणि गोपनियतेची शपथ दिली. मनिष सिसोदिया, सत्येंद्र जैन, गोपाल राय, राजेंद्र पाल गौतम, कैलाश गेहलोत, इमरान हुसेन यांनीही मंत्रिपदाची शपथ घेतली.

भाजपाचा हा नेता होता मात्र उपस्थित!
केजरीवाल यांच्या शपथविधी सोहळ्यासाठी भाजपाचा एक नेता हजर होता. त्याच्याकडेच साऱ्यांच्या नजरा होत्या. भाजपाचे नवनियुक्त आमदार विजेंद्र गुप्ता या सोहळ्याला आले आणि त्यांच्याकडे सर्वांच्या नजरा खिळल्या.

AAP MP Bhagwant Mann, BJP MLA Vijender Gupta and other leaders at Arvind Kejriwal’s swearing-in ceremony pic.twitter.com/tId9ysWkub

— ANI (@ANI) February 16, 2020