अधिवेशनात उपयुक्त चर्चा होईल – पंतप्रधान

विरोधी पक्षांनी सरकारवर चौफेर टीका करावी आणि कारभारातील उणिवा अधोरेखित कराव्या, त्यामुळे लोकशाही अधिक सुदृढ होते, विरोधकांपर्यंत पोहोचण्यासाठी सरकारने औपचारिकता बाजूला ठेवली असे उदाहरण त्यांनी या वेळी दिले. देशातील १२५ कोटी जनतेचे लक्ष संसदेकडे, रेल्वे अर्थसंकल्पाकडे आणि सार्वत्रिक अर्थसंकल्पाकडे लागले आहे. जागतिक अर्थव्यवस्थेतील भारताच्या असलेल्या स्थानामुळे जगाचेही अर्थसंकल्पाकडे लक्ष लागलेले आहे, असेही मोदी म्हणाले. विरोधकांशी चर्चा सकारात्मक झाली असल्याने संसदेत उपयुक्त आणि रचनात्मक चर्चा होईल, असेही पंतप्रधान म्हणाले.