संसदेच्या हिवाळी अधिवेशनाची तारीख अखेर ठरली, अधिवेशन २९ नोव्हेंबर ते २३ डिसेंबर दरम्यान

२९ नोव्हेंबर ते २३ डिसेंबर या काळात संसदेचे हिवाळी अधिवेशन होणार आहे. २० दिवसांचे प्रत्यक्ष कामकाज या कालावधीत होणार असल्याचं सांगण्यात आलं आहे. लोकसभा आणि राज्यसभा या दोन्ही सभागृहांचे कामकाज हे एकाच वेळी करोना संदर्भातल्या प्रोटोकॉलचे पालन करत होणार आहे.

याआधीचे म्हणजे पावसाळी अधिवेशन हे पेगॅसस प्रकरणावरुन गाजले होते. शेतकरी कायदा हा मुद्दाही पावसाळी अधिवेशनात विरोधकांनी चांगला लावून धरला होता. तेव्हा गेल्या काही महिन्यातील विविध घडामोडी लक्षात घेता होऊ घातलेले संसदेचे हिवाळी अधिवेशन हे वादळी ठरणार यात शंका नाही.