ब्रेन ट्युमरची सर्जरी होत असताना ती म्हणत होती हनुमान चालीसा…!

तीन तास चाललेल्या संपूर्ण कारवाई दरम्यान, युवती पूर्णपणे जागरूक राहिली. रुग्णालयाच्या अग्रगण्य डॉक्टरांच्या पथकाने तिची न्यूरो सर्जरी केले. शस्त्रक्रियेच्या महत्त्वपूर्ण भागादरम्यान, ती युवती संपूर्ण हनुमान चालीसाचे पठण करताना दिसली. ऑपरेशन टीमचा एक भाग असलेले डॉ दीपक गुप्ता यांनी ही माहिती दिली आहे.

डॉक्टर दीपक गुप्ता यांनी सांगितले की, ही युवती दिल्लीच्या शाहदरा परिसरातील रहिवासी आहे. त्यांचे म्हणणे आहे की मुलीच्या डोक्याच्या अनेक भागात ट्यूमर होते, यासाठी तिच्यावर ऑपरेशन केले गेले. मुलीच्या डोक्याच्या वरच्या भागाला सुन्न करण्यासाठी प्रथम भूल देण्याची इंजेक्शन्स दिली गेली, तसेच वेदनाशामक औषधही मुलीला देण्यात आले.

हेही वाचा- उर्जेला सलाम! हैदराबादच्या ‘या’ दाम्पत्याने गेल्या ११ वर्षांत शहरातील दोन हजाराहून अधिक खड्डे भरले

डॉ. गुप्ता सांगतात की मुलीची शस्त्रक्रिया यशस्वी करण्यासाठी तिच्या डोक्यात असलेल्या मज्जातंतू वेगवेगळ्या रंगांनी कोडिंग केल्या गेल्या, ज्याला वैद्यकीय भाषेत ट्रॅक्टोग्राफी म्हणतात. या प्रकारच्या शस्त्रक्रियेमुळे मेंदूचे कमी नुकसान होते आणि यावेळी रुग्णाला जागरूक ठेवले जाते जेणेकरून मेंदूत महत्त्वपूर्ण भाग खराब होऊ नयेत.

डॉ. गुप्ता म्हणाले की, हनुमान चालीसा किंवा इतर कोणत्याही धार्मिक प्रार्थनेची उपासना केल्यास बरेच फायदे मिळतात. यामुळे रुग्णाला असे वाटते की देवाचे नाव घेतल्यास शस्त्रक्रिया यशस्वी होईल आणि डॉक्टरांनाही त्याच्या प्रकृतीची अचूक कल्पना येते. त्यांनी असेही सांगितले की, गेल्या २० वर्षांपासून एम्समध्ये असे ऑपरेशन केली जात आहेत आणि आतापर्यंत अशा प्रकारच्या ५०० हून अधिक ऑपरेशन झाले आहेत.