Uttar Pradesh Crime News: उत्तर प्रदेशमध्ये एक असा गुन्हा घडला आहे, ज्याची कल्पना आपण फक्त चित्रपटात किंवा मालिकेत करू शकतो. ४२ वर्षीय अलका नावाच्या महिलेने स्वतःच्याच १७ वर्षीय मुलीचा खून करण्यासाठी एका मारेकऱ्याला सुपारी दिली. मात्र अलकाने जो सापळा रचला त्यात ती स्वतःच अडकली. ज्या मारेकऱ्याला पैसे दिले, त्यानेच अलकाचा खून केला. डोक चकरावून टाकणारी ही घटना उत्तर प्रदेशच्या एटा जिल्ह्यात घडली आहे. ६ ऑक्टोबर रोजी अलकाचा मृतदेह एका शेतात आढळून आला. अलका घरी परतली नसल्यामुळे तिचा पती रमाकांतने पोलिसात ती बेपत्ता झाल्याची तक्रार नोंदविली होती. त्यानंतर अलकाचा मृतदेह आढळून आला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मुलीला मारण्याची सुपारी का दिली?

पोलिसांनी दिलेल्या माहितीनुसार, १७ वर्षीय मुलीचे प्रेमसंबंध असल्यामुळे अलका वैतागली होती. तिला समजावूनही ती सरळ मार्गावर येत नसल्यामुळे आईनेच तिचा खून करण्याचा निर्णय घेतला. यासाठी नुकताच बलात्कार प्रकरणात शिक्षा भोगून तुरुंगातून बाहेर आलेल्या सुभाष नामक व्यक्तीला तिने संपर्क साधला. अलकाने सुभाषला मुलीचा खून करण्यासाठी ५० हजारांची सुपारी दिली.

आणखी वाचा

हे वाचा >> Video: महिलेच्या वेशात चोर आला अन् अवघ्या २१ सेकंदात २८ किलोचे दागिने चोरून पळाला, CCTV Video व्हायरल

कहानी मे ट्विस्ट कसा आला?

अलकाने जेव्हा सुभाषला सुपारी दिली, तेव्हा तिला माहीत नव्हतं की, तिच्या मुलीचा प्रियकर ३५ वर्षांचा सुभाषच आहे. सुभाषनं तिच्या मुलीला एक मोबाइल दिला होता, ज्यावरून ते दोघे संपर्कात असायचे. सुभाषला सुपारी मिळाल्यानंतर त्याने हा प्लॅन मुलीला सांगितला. यानंतर मुलीने सुभाषला लग्नाची मागणी घालून आईचाच काटा काढण्याची समजूत घातली आणि त्या दोघांनी अलकालाच संपविण्याची योजना आखली.

हे ही वाचा >> बाई काय हा प्रकार! दुर्गा पूजेला तोकडे कपडे घालून दर्शन; टीका होताच मॉडेलने पोस्ट केला ‘तसा’ फोटो

यानंतर सुभाषनं मुलीचा खून केला असल्याचे भासवले आणि फेक फोटो अलकाला पाठवून सुपारीची पुढची रक्कम मागितली. अलका सुभाषला भेटण्यासाठी आग्रा येथे गेली असताना सुभाषनं तिला खरंखरं सांगून टाकलं. यानंतर सुभाष, अल्का आणि तिची मुलगी आग्र्याहून एकत्र निघाले. एटा येथे येत असताना दोघांनी मिळून अलकाचा गळा दाबून खून केला आणि एका बाजरीच्या शेतात तिचा मृतदेह फेकला.

अलकाचा मृतदेह आढळल्यानंतर पोलिसांनी गुन्ह्याचा छडा लावून अल्पवयीन मुलगी आणि सुभाषला अटक केली.

मुलीला मारण्याची सुपारी का दिली?

पोलिसांनी दिलेल्या माहितीनुसार, १७ वर्षीय मुलीचे प्रेमसंबंध असल्यामुळे अलका वैतागली होती. तिला समजावूनही ती सरळ मार्गावर येत नसल्यामुळे आईनेच तिचा खून करण्याचा निर्णय घेतला. यासाठी नुकताच बलात्कार प्रकरणात शिक्षा भोगून तुरुंगातून बाहेर आलेल्या सुभाष नामक व्यक्तीला तिने संपर्क साधला. अलकाने सुभाषला मुलीचा खून करण्यासाठी ५० हजारांची सुपारी दिली.

आणखी वाचा

हे वाचा >> Video: महिलेच्या वेशात चोर आला अन् अवघ्या २१ सेकंदात २८ किलोचे दागिने चोरून पळाला, CCTV Video व्हायरल

कहानी मे ट्विस्ट कसा आला?

अलकाने जेव्हा सुभाषला सुपारी दिली, तेव्हा तिला माहीत नव्हतं की, तिच्या मुलीचा प्रियकर ३५ वर्षांचा सुभाषच आहे. सुभाषनं तिच्या मुलीला एक मोबाइल दिला होता, ज्यावरून ते दोघे संपर्कात असायचे. सुभाषला सुपारी मिळाल्यानंतर त्याने हा प्लॅन मुलीला सांगितला. यानंतर मुलीने सुभाषला लग्नाची मागणी घालून आईचाच काटा काढण्याची समजूत घातली आणि त्या दोघांनी अलकालाच संपविण्याची योजना आखली.

हे ही वाचा >> बाई काय हा प्रकार! दुर्गा पूजेला तोकडे कपडे घालून दर्शन; टीका होताच मॉडेलने पोस्ट केला ‘तसा’ फोटो

यानंतर सुभाषनं मुलीचा खून केला असल्याचे भासवले आणि फेक फोटो अलकाला पाठवून सुपारीची पुढची रक्कम मागितली. अलका सुभाषला भेटण्यासाठी आग्रा येथे गेली असताना सुभाषनं तिला खरंखरं सांगून टाकलं. यानंतर सुभाष, अल्का आणि तिची मुलगी आग्र्याहून एकत्र निघाले. एटा येथे येत असताना दोघांनी मिळून अलकाचा गळा दाबून खून केला आणि एका बाजरीच्या शेतात तिचा मृतदेह फेकला.

अलकाचा मृतदेह आढळल्यानंतर पोलिसांनी गुन्ह्याचा छडा लावून अल्पवयीन मुलगी आणि सुभाषला अटक केली.