प्रसिद्ध लोकप्रिय मल्याळम अभिनेता विजय बाबूवर बलात्काराचा आरोप लावण्यात आला आहे. चित्रपटांमध्ये काम देण्याच्या आमिषाने बलात्कार केल्याचा गंभीर आरोप संबंधित महिलेने केला आहे. याबाबत त्या महिलेने एर्नाकुलम दक्षिण पोलिस ठाण्यात तक्रार दाखल केली आहे. गेल्या दीड महिन्यांपासून विजय बाबू हा सातत्याने माझे शारिरिक शोषण करत आहे, असे या महिलेने तक्रारीत म्हटले आहे. या महिलेच्या तक्रारीनंतर पोलिसांनी विविध कलमातंर्गत त्याच्यावर गुन्हा दाखल केला आहे.
मिळालेल्या माहितीनुसार, या महिलेने २२ एप्रिल रोजी विजय बाबू विरोधात पोलिसात तक्रार दाखल केली होती. त्यावेळी तिने विजय बाबूवर गंभीर आरोप केले होते. या आरोपानंतर विजय बाबूने यावर कोणतीही प्रतिक्रिया दिली नव्हती. मात्र सध्या तो फरार असल्याचे बोललं जात आहे. त्यामुळे पोलिसांनी त्याच्याविरुद्ध लुकआउट नोटीस जारी केली आहे.
विजय बाबूविरुद्ध बलात्कार आणि गंभीर प्रकारे शारीरिक इजा पोहोचवल्याची तक्रार नोंद करण्यात आली आहे. त्या महिलेने दिलेल्या तक्रारीत तिने विजय बाबूवर पाच गंभीर आरोप लावले आहेत. ते पाच आरोप नेमके काय? याबद्दल जाणून घेऊया.
- १. जेव्हा मी या सिनेसृष्टीत नवीन होती, तेव्हा विजय बाबूने एका चांगल्या मित्राप्रमाणे माझी काळजी घेतली. मला नीट मार्गदर्शन केले. पण त्यासोबतच तो माझे शारिरिक शोषणही करत होता, असा आरोप त्या महिलेने केला आहे.
- २. जेव्हा मी शारिरिक संबंध ठेवण्यासाठी नकार द्यायची, तेव्हा विजय बाबू माझ्या इच्छेविरुद्ध माझ्याशी शारिरिक संबंध ठेवायचे. ते माझा बलात्कार करायचे. जवळपास दीड महिने विजय बाबूने माझा बलात्कार केला, असेही ती महिला म्हणाली.
- ३. विजय बाबू हा अनेकदा मला ड्रग्ज द्यायचा किंवा दारु पाजायचा. ज्यामुळे मला गुंगी यायची. यानंतर विजय हा माझे लैंगिक शोषण करायचा, असाही गंभीर आरोप त्या महिलेने केला आहे.
- ४. त्यापुढे ती म्हणाली, विजय बाबू हा माझ्यासाठी राक्षस आहे. त्याने केवळ लग्न आणि चित्रपटात काम देण्याचे आश्वासन देऊन माझ्यावर लैंगिक अत्याचार केले. त्यासोबत माझे जीवन उद्धवस्त करण्याची धमकी दिली होती. इतकंच नव्हे तर त्यांनी माझा खूप शारीरिक छळ केला.
- ५. त्यासोबत मला विजय बाबूने धमकी दिली होती की, जर तिने याबाबत कोणाला काहीही सांगितले तर तो माझे खासगी व्हिडीओ सार्वजनिक करेल.
“बॉलिवूडमधील कपूर कुटुंबाप्रमाणेच…”, दाक्षिणात्य अभिनेते चिरंजीवींनी व्यक्त केली ‘ती’ इच्छा
कोण आहे अभिनेता विजय बाबू?
विजय बाबू हे मल्याळम इंडस्ट्रीतील एक फार मोठे नाव आहे. त्याने आपल्या सिनेसृष्टीच्या कारकिर्दीत अनेक सुपरहिट चित्रपट दिले आहे. तो फक्त अभिनेता नाही तर त्याने अनेक चित्रपटांचीही निर्मिती केली आहे. त्याचे ‘फ्रायडे फिल्म हाऊस’ नावाचं प्रोडक्शन हाऊसही आहे. याशिवाय ‘फिलिप्स अँड द मंकी पेन’साठी निर्माता म्हणून त्याला ‘सर्वोत्कृष्ट बालचित्रपट’साठी केरळ राज्य चित्रपट पुरस्कार मिळाला आहे.
