दुबईमध्ये लवकरच जगातील सर्वात महागडी सँडल लाँच केली जाणर आहे. याची किंमत ऐकून तुम्ही थक्क व्हाल. खलील टाईम्सच्या वृत्तानुसार, हिरे आणि सोन्याच्या या सँडलची किंमत १२३ कोटी रूपये आहे. ही सँडल डिझायन करायला तब्बल ९ महिन्यांचा कालावधी लागला आहे. बुधवारी संयुक्त अरब अमीरात(यूएई)मध्ये या महागड्या सँडलचे अनावरण करण्यात येणार आहे.
या सँडलला ‘फॅशन डायमंड शू’ असे नाव देण्यात आले आहे. या सँडलवर शेकडो हिरे लावण्यात आले आहे. त्याशिवाय १५-१५ कॅरेटचे दोन इम्पोजिंग डी-फ्लॉलेस डायमंडळही लावले आहे. सँडलची ही जोडी युएईतील जदा दुबाई आणि फॅशन ज्युलर्स यांनी तयार केली आहे. जदा दुबईतील एक नामांकित ब्रँड आहे. बुधवारी बुर्ज अल अरब आ ७ स्टार हॉटेलमध्ये या महागड्या सँडलचे अनवरण होणार आहे.
सौंदर्याला विशिष्ट लय देण्याचं काम चपला किंवा पादत्राणे करतात. त्यामुळे सौंदर्यशास्त्रात विशेषत: स्त्रियांच्या लेखी चपलांना फार महत्त्व आहे.
रिपोर्ट्सनुसार, ही सँडलची सध्या जगातील सर्वात महागडी आहे. याआधी डेबी विन्घम हाय हिल्स जगातील सर्वात महागडी सँडल होती.
