शी जिनपिंग यांची नवी खेळी? दिल्लीतीर G20 परिषदेकडे अचानक फिरवली पाठ; कारण अस्पष्ट!

काही दिवसांपूर्वीच चीननं त्यांच्या नकाशात अक्साई चीन, लडाख व अरुणाचलचा काही भाग दाखवला होता. भारतानं यावर नाराजीही व्यक्त केली होती.

जी२० परिषदेला शी जिनपिंग गैरहजर राहणार, सूत्रांची माहिती! (फोटो - रॉयटर्स संग्रहीत)

सप्टेंबर महिन्याच्या ९ व १० तारखेला राजधानी दिल्लीत G20 परिषदेची महत्त्वपूर्ण बैठक होणार आहे. या बैठकीसाठी अमेरिकेचे राष्ट्राध्यक्ष जो बायडेन उपस्थित राहणार असल्याचं आधीच स्पष्ट करण्यात आलं आहे. आंतरराष्ट्रीय स्तरावरील बदलती समीकरणं व त्यात जी२० परिषदेतील देशांनी घ्यावयाची भूमिका यावर या बैठकीत चर्चा होणं अपेक्षित आहे. या बैठकीला आधी शी जिनपिंग येणार असल्याचं सांगितलं जात होतं. मात्र, आता अचानक त्यांनी बैठकीकडे पाठ फिरवली असून त्यांच्याजागी चीनचे पंतप्रधान ली क्वांग येणार असल्याचं सांगितलं जात आहे. रॉयटर्सनं प्रशासकीय सूत्रांच्या हवाल्याने हे वृत्त दिलं आहे.

…म्हणून बैठकीकडे पाठ फिरवली?

दक्षिण आशियातील बदलती समीकरणं, भारत-चीन संबंध, रशिया-यु्क्रेन युद्ध अशा अनेक महत्त्वाच्या मुद्द्यांवर या बैठकीत चर्चा होण्याची शक्यता आहे. तसेच, चीनच्या परराष्ट्र विभागाने नुकत्याच जारी केलेल्या देशाच्या नकाशात अक्साई चीन, लडाख व अरुणाचलचा काही भाग चीनच्या हद्दीत दाखवण्यात आल्यामुळे दोन्ही देशांमधील संबंध सुधारण्याच्या प्रयत्नांना खोडा घातला गेला आहे. यासंदर्भात भारताच्या परराष्ट्र विभागानं आपली नाराजी कळवली असली, तरी त्याचे पडसाद यंदाच्या जी२० परिषदेत उमटण्याची शक्यता होती. या पार्श्वभूमीवर शी जिनपिंग यांनी बैठकीकडे पाठ फिरवण्याचा घेतलेला निर्णय महत्त्वाचा मानला जात आहे.

आणखी वाचा

अन्यथा : प्रगतीच्या प्रारूपाचा प्रश्न!

Nana Patole : निकालाआधी राजकीय घडामोडींना वेग; यातच…

Tilak Varma Statement on Maiden T20I Century Flying Kiss Celebration He Said It is For Suryakumar Yadav Gives credit to him IND vs SA

IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…

‘कार्बन बॉर्डर’ टॅक्स काय आहे? भारतासह चीन याचा विरोध का करत आहे?

Tilak Verma becomes 2nd youngest player to score a T20I century for India

Tilak Verma : तिलक वर्माने वादळी शतक झळकावत घडवला इतिहास, भारतासाठी ‘हा’ खास पराक्रम करणारा ठरला दुसरा खेळाडू

China Accident : धक्कादायक! भरधाव कारने अनेकांना चिरडलं; ३५ जणांचा मृत्यू, ४३ जण जखमी, दुर्दैवी घटनेमुळे एकच खळबळ

midc conversion land in thane belapur belt for residential complexes

नवी मुंबईच्या औद्योगिक पट्ट्यातीलही भूखंड खासगी विकासकाकडे!

भारताला जी-२० परिषदेचे अध्यक्षपद कोणत्या पार्श्वभूमीवर मिळाले?

जो बायडेन-जिनपिंग चर्चा प्रलंबित

दरम्यान, शी जिनपिंग यांच्या या निर्णयामुळे जी२० परिषदेत होऊ घातलेली जिनपिंग-बायडेन चर्चाही प्रलंबित झाल्याचं बोललं जात आहे. या भेटीदरम्यान दोन्ही देशांचे प्रमुख गेल्या काही काळापासून तणावपूर्ण बनलेले व्यवसायविषयक मुद्दे हाताळणार असल्याचं सांगण्यात आलं होतं. याआधी थेट गेल्या वर्षी नोव्हेंबरमध्ये दोन्ही देशांचे प्रमुख बालीमध्ये झालेल्या जी२० परिषदेच्या निमित्ताने एकमेकांना भेटले होते.

पुतिन यांची आधीच माघार!

एकीकडे शी जिनपिंग यांनी बैठकीतून आधीच काढता पाय घेतलेला असताना दुसरीकडे रशियाचे राष्ट्राध्यक्ष व्लादिमिर पुतीन यांनीही याआधीच आपण जी२० परिषदेला उपस्थित राहणार नसल्याचं स्पष्ट केलं आहे. त्यांच्याऐवजी रशियाचे परराष्ट्रमंत्री सर्गेई लावरोव उपस्थित राहणार आहेत. या बैठकीमध्ये रशियाच्या युक्रेनमधील घुसखोरीविरोधातील संयुक्त निवेदनाला रशिया व चीन या दोन्ही देशांनी विरोध दर्शवला आहे. त्यामुळे या दोन्ही देशांच्या प्रमुखांच्या अनुपस्थितीकडे यासंदर्भात पाहिलं जात आहे.

First published on: 31-08-2023 at 11:47 IST

Web Title: Xi jinping to skip g20 meeting in delhi next week with russia pmw

शी जिनपिंग यांची नवी खेळी? दिल्लीतील G20 परिषदेकडे अचानक फिरवली पाठ; कारण अस्पष्ट!

…म्हणून बैठकीकडे पाठ फिरवली?

जो बायडेन-जिनपिंग चर्चा प्रलंबित

पुतिन यांची आधीच माघार!