Diwali Faral : विकतच्या सारखी कुरकुरीत, चटपटीत बाकरवडी खायची आहे? मग नोट करा सोपी रेसिपी

बाकरवडी करण्याची पारंपारिक पद्धत थोडी वेगळी आहे. अनेकांना पारंपारिक पद्धतीने तयार केलेली बाकरवडी आवडते. तर अनेकांना ही विकत मिळणारी कडक, कुरकुरीत अशी आंबट-गोडच -तिखट अशी एकत्र चव असलेली बाकरवडी प्रचंड आवडते. म्हणूनच तुमच्या आवडीच्या बाकरवडीची रेसिपी आज आम्ही तुम्हाला सांगणार आहोत. ही रेसिपी बनवायला अत्यंत सोपी आहे. चल तर मग जाणून घेऊ या बाकरवडीची रेसिपी

आणखी वाचा

‘बटरफ्लाय समोसा रेसिपी’, नाव ऐकूनच तोंडाला सुटलं ना पाणी, लगेच वाचा साहित्य आणि कृती

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Methi Paratha Recipe : मेथीचे बनवा मऊसूत पराठे! हिवाळ्यात नाश्त्यासाठी, मुलांच्या डब्यासाठी बेस्ट रेसिपी

हिवाळ्यात निरोगी राहण्यासाठी खा गुळ-टोमॅटोची चटणी; रेसिपी आहे एकदम सोपी

एक मॅगीचं पॅकेट आणा आणि झटपट बनवा कोरिअन स्टाईल मॅगी, वाचा ‘ही’ सोपी रेसिपी

२ वाटी पीठापासून नाश्त्यामध्ये बनवा नाचणीचा पौष्टिक उपमा; वाचा साहित्य आणि कृती

रक्तातील साखर न वाढवता घ्या ‘गोडा’चा आस्वाद! डायबिटीज रुग्णांसाठी खास हिरव्या मुगाचे लाडू

उपवासाच्या दिवशी आवर्जून बनवा गूळ मखाणा; एकदम सोपी रेसिपी

अर्धा किलो बाकरवडीसाठी लागणारे साहित्य –

बाकरवडीकरिता पीठ तयार करण्यासाठी साहित्य

मैदा – २५० ग्रॅम (एक ते दीड कप)
बेसन – २५ ग्रॅम (पाव कप)
तेल – ४० ग्रॅम ( ३ ते चार टेबलस्पून)
ओवा – १ ते २ टेबलस्पून
मीठ – चवीनुसार

हेही वाचा- दिवाळीसाठी १/२ किलो तांदुळापासून बनवा जाळीदार अनारसे; तांदूळ भिजवण्यापासून तळण्यापर्यंतची सोपी रेसिपी

बाकरवडीसाठी पीठाची कृती
एका परातीत वर दिलेल्या प्रमाणानुसार मैदा, बेसन, तेल, ओवा आणि मिठ टाकून घट्ट मळून घ्या. तयार पीठ थोडा वेळ झाकून ठेवा.

बाकरवडीचा मसाला साहित्य
जिरे – २५ ग्रॅम (२ टेबलस्पून)
धने -१० ग्रॅम (२ टेबलस्पून)
बडीशेप -१५ ग्रॅम (३ टेबलस्पून)
तीळ – २० ग्रॅम (३ टेबलस्पून)
किसलेल सुक खोबरे – ४० ग्रॅम (दीड कप)
साखर -३५ ग्रॅम (३ ते ४ टेबलस्पून)
लाल तिखट – ~ १५ ग्रॅम (२ टेबलस्पून)
गरम मसाला – २० ग्रॅम (२ टेबलस्पून)
आमचुर – १० ग्रॅम (१ ते दीड टेबलस्पून)
हळद – चिमुटभर
हिंग – चिमुटभर
मीठ – चवीनुसार

जिभेवर ठेवताच विरघळणारी “खुसखुशीत करंजी”; दिवाळीच्या फराळाला परेफेक्ट रेसिपी

चिंच गुळाची चटणीसाठी
चिंच – २० ग्रॅम (२ टेबलस्पून)
गुळ – २० ग्रॅम (२ टेबलस्पून)
मिठ – चवीनुसार

बाकरवडीचा मसाला तयार करण्याची कृती
एक कढईत जिरे, झने, बडीशेप, तीळ, किसलेले सुके खोबरे व्यवस्थित भाजून घ्या. सर्व मसाले मिक्सरच्या भांड्यात वाटून घ्या. त्यातच साखर. लाल तिखट, गरम मसाला, आमचूर, मीठ आणि हिंग टाकून मसाला मिक्स करून घ्या.

Diwali Special Recipe : दिवाळीनिमित्त बनवा पाकातली कुरकरीत, खमंग चंपाकळी; जाणून घ्या सोपी रेसिपी

बाकरवडी तयार करण्याची पद्धत

मळलेल्या पिठाच्या गोळी करुन मोठी पाती लाटून घ्या. त्यानंतर त्यावर चिंच गुळाची चटणी सर्वत्र पसरवून लावा. त्यावर तयार बाकरवडीचा मसाला पसरवा. त्यानंतर हलक्या हाताने त्यावर लाटणे फिरवा. त्यानंतर पातीची गोल गोल वळकुटी करा म्हणजेच गोल गुंडाळा. त्यानंतर तयार वळकुटीटे बारीक काप करून घ्या. गरम गरम तेलामध्ये ते तळून घ्या. विकत मिळते तशी कुरकुरीत बाकरवडी तयार आहे.