PF Balance: पीएफ (PF) खातेदारांसाठी युनिव्हर्सल अकाउंट नंबर म्हणजेच यूएएन (Universal Account Number – UAN) क्रमांक खूप महत्त्वाचा असतो. हा एक १२ अंकी नंबर असून तो भविष्य निर्वाह निधी संघटनेच्या (EPFO) प्रत्येक सदस्याला दिला जातो. हा एक कायमस्वरूपी नंबर असतो आणि एका सदस्यासाठी तो पूर्ण जीवनभर वैध राहतो. यूएएनच्या माध्यमातून तुम्ही तुमचं पीएफ खातं ऑनलाईन वापरु शकता. यूएएनच्या माध्यमातून तुम्हाला तुमच्या खात्यातील बॅलन्स कळते. खात्यातील ठराविक रक्कम काढता येते. त्यासाठी सर्व प्रक्रिया ही यूएएन क्रमांकाच्या आधारे करता येते. आता यूएएन नंबर नसतानाही तुम्ही तुमच्या पीएफ खात्यातील शिल्लक तपासू शकता. तर काय आहे सोपी पद्धत चला पाहुयात…
यूएएन नंबर नसतानाही या पद्धतीने तपासा पीएफ खात्यातील शिल्लक
- सर्वप्रथम तुम्हाला epfindia.gov.in ला भेट द्यावी लागेल.
- तुम्हाला येथे ‘Click Here to Know your EPF Balance’ या पर्यायावर क्लिक करावे लागेल.
- यानंतर तुम्हाला रीडायरेक्ट लिंकद्वारे epfoservices.in/epfo/ च्या पेजवर रीडायरेक्ट केले जाईल. यानंतर तुम्हाला ‘Member Balance Information’ या पर्यायावर क्लिक करावे लागेल.
- यानंतर तुम्हाला तुमचे राज्य निवडावे लागेल आणि तुमच्या राज्याच्या EPFO कार्यालयाच्या वेबसाइट लिंकवर क्लिक करावे लागेल.
आणखी वाचा : PAN Card: पॅन कार्डवरील आडनाव बदलायचंय? तर ‘या’ सोप्या ऑनलाईन स्टेप्स फॉलो करा
- यानंतर तुम्हाला तुमचा ‘पीएफ अकाउंट नंबर’, नाव आणि नोंदणीकृत मोबाइल नंबर टाकावा लागेल.
- यानंतर तुम्हाला ‘सबमिट’ पर्यायावर क्लिक करावे लागेल.
- ही प्रक्रिया पूर्ण होताच, तुमची पीएफ खात्यातील शिल्लक तुमच्या वेबसाइटवर दिसेल.
अशा प्रकारे तुम्ही पीएफ खात्यातील शिल्लक देखील तपासू शकता.
