जगभरात आढळणाऱ्या निळ्या रंगाच्या ‘या’ दुर्मीळ प्रजातींबद्दल तुम्हाला ठाऊक आहे का? जाणून घ्या…

निळ्या रंगाच्या दुर्मीळ प्रजाती

ब्लू जे

ब्लू जे हा कोर्विडे कुटुंबातील एक पक्षी आहे, हा उत्तर अमेरिकेतील पक्षी असून, त्याला मराठीत निळा जय म्हणतात. हा पक्षी निळ्या, पांढऱ्या आणि काळ्या पिसाऱ्याचा असतो. त्याच्या डोक्याचा रंग निळा असतो. हा पक्षी बुद्धिमत्ता आणि घट्ट कौटुंबिक बंधनांसाठी ओळखला जातो. हा पूर्व उत्तर अमेरिकेतील मूळ कोर्विडे कुटुंबातील एक पॅसेरीन पक्षी आहे. हा बहुतेकदा पूर्वेकडील आणि मध्य युनायटेड स्टेट्समध्ये राहतो.

निळा इग्वाना

निळा इग्वाना हा सरपटणारा सरडा दक्षिण अमेरिकेत आढळतो. या सरड्याच्या मुख्य दोन उप-प्रजाती आहेत, ज्यामध्ये जमिनीवर आढळणारे आणि सागरी सरडे आहेत. हे सरपटणारे प्राणी स्क्वामाटा आणि सबॉर्डर इग्वानिया या इगुआनिडे कुटुंबाचे आहेत. निळ्या इग्वानाला सायक्लुरा लेविसी म्हणतात. तसेच वाळवंटी इग्वाना ज्याला वैज्ञानिक भाषेत डिप्सोसॉरस डोर्सालिस म्हणतात.

मंदारिन ड्रॅगनेट

मंदारिन ड्रॅगनेट हा पॅसिफिक महासागरातील एक चमकदार रंगाचा मासा आहे, जो फक्त दोन पृष्ठवंशी प्राण्यांपैकी एक आहे. मँडेरिन ड्रॅगनेटच्या त्वचेत सायनोफोर्स म्हणून ओळखल्या जाणाऱ्या पेशी असतात, ज्यामध्ये सायनोसोम नावाचे ऑर्गेनेल्स असतात, जे निळे रंगद्रव्य तयार करतात.

ब्लू पॉयझन डार्ट बेडूक

निळा विषारी डार्ट बेडूक दक्षिण अमेरिकेतील दक्षिण सुरीनाम आणि उत्तर ब्राझीलच्या जंगलात आढळतो. ब्लू पॉयझन डार्ट बेडूक चमकदार निळा असतो. त्याचे हातपाय शाईसारखे निळे असतात आणि पोट गडद निळे असते. डोके आणि पाठीवर लहान-मोठे गडद ठिपके असतात. बेडकाच्या त्वचेवर झेंथोफोर्स नावाच्या पेशींचा थर असतो, जो पिवळ्या रंगद्रव्यांचे उत्पादन करतो आणि इरिडोफोर्स नावाच्या पेशींच्या थराच्या वर असतो.

भारतीय मोर

भारतीय मोर, ज्याला निळा मोर म्हणूनही ओळखले जाते, ही भारतीय उपखंडातील मूळ मोराची प्रजाती आहे. हा मोठ्या आकाराचा पक्षी असून, तो भारताचा राष्ट्रीय पक्षी आहे. मोराला ‘पीकॉक’ आणि मादी मोराला ‘पीहेन / लांडोर’ असेही म्हणतात. नर मोराचे डोके निळे असून त्यावर पंख्याच्या आकाराचा तुरा असतो. भारताव्यतिरिक्त इतर अनेक देशांमध्येदेखील हा आढळतो. भारतीय मोर लैंगिक द्विरूपतेचे एक उत्तम उदाहरण आहे.