Google Employee Salary: गूगलमध्ये नोकरी मिळावी असं स्वप्न प्रत्येक इंजिनिअर उराशी घेऊन असतो. काहींना तर हेच एक ध्येय इंजिनिअरिंगचा चार वर्षांचा अभ्यास मन लावून करण्यासाठी प्रोत्साहन देत असतं. गूगलमध्ये काम करणे हे मान- सन्मानाचे जरी मानले जात असले तरी हा काही गूगलच्या कर्मचाऱ्यांना मिळणारा एकमेव फायदा नाही. अलीकडेच लीक झालेल्या एका अहवालात गूगलच्या कर्मचाऱ्यांना पदानुसार मिळणाऱ्या पगाराची माहिती समोर आली आहे. गुगलने २०२२ मध्ये कर्मचार्‍यांच्या पगारासाठी सरासरी एकूण $279,802 (अंदाजे ₹ २.३ कोटी) खर्च केले असल्याचे समजत आहे. चला तर मग गुगलच्या कोणत्या पदावरील कर्मचाऱ्यांना किती पगार मिळतो हे जाणून घेऊया…
बिझनेस इनसाइडरद्वारे प्राप्त झालेल्या स्प्रेडशीटमध्ये विविध पदांसाठीचा पगार पाहता येत आहे. स्प्रेडशीट नुसार, २०२२ मध्ये 718,000 डॉलर (अंदाजे ₹6 कोटी) मूळ वेतनासह, सॉफ्टवेअर इंजिनीअर्स हे कंपनीत सर्वाधिक कमाई करणाऱ्यांच्या यादीत टॉपला आहेत.
हे लक्षात घेणे महत्त्वाचे आहे की डेटा केवळ यूएसमध्ये कार्यरत फुल- टाइम कर्मचार्‍यांशी संबंधित आहे आणि अल्फाबेटच्या इतर उपक्रमांमधील कर्मचाऱ्यांचा पगार यामध्ये समावेश नाही. या व्यतिरिक्त, डेटा मर्यादित लोकांद्वारे उघड केलेल्या माहितीवर आधारित आहे, कारण सर्व कर्मचारी त्यांच्या इक्विटी आणि बोनसची माहिती शेअर करण्यास इच्छुक नव्हते.
गूगलच्या कर्मचाऱ्यांच्या पदानुसार पगाराचा आकडा
| सॉफ्टवेअर इंजिनीअर | ₹6 कोटी |
| इंजिनिअरिंग मॅनेजर | ₹3.28 कोटी |
| एंटरप्राइझ डायरेक्ट सेल्स | ₹3.09 कोटी |
| लीगल कॉर्पोरेट वकील | ₹2.62 कोटी |
| सेल्स स्ट्रॅटर्जी | ₹2.62 कोटी |
| UX डिझायनर | ₹2.58 कोटी |
| सरकारी व्यवहार आणि सार्वजनिक धोरण | ₹2.56 कोटी |
| संशोधन वैज्ञानिक | ₹2.53 कोटी |
| क्लाउड सेल्स | ₹2.47 कोटी |
| प्रोग्राम मॅनेजर | ₹2.46 कोटी |
हे ही वाचा<< मुंबईत ‘इथे’ आहे जगातील सर्वात मोठी लिफ्ट; मुकेश अंबानींशी आहे खास संबंध, Video पाहून डोकंच धराल
दरम्यान, जर आपण MyLogIQ द्वारे संकलित केलेला 2022 डेटा पाहिला, तर वॉल स्ट्रीट जर्नलच्या माहितीनुसार, जगातील सर्वोच्च पगार देणाऱ्या कंपनीच्या यादीत मेटा ने USD 300,000 च्या सरासरी पगारासह दुसरे स्थान मिळवले आहे तर Google ची मूळ कंपनी Alphabet ने USD 280,000 सरासरी पगारासह तिसरे स्थान पटकावले आहे.
