गाढ झोपेत असताना डास चावल्याने आपली झोपमोड होते, तेव्हा आपली फार चिडचिड होते. अंधारात डासांना आपण कुठे आहोत ते कसे समजते? डासांना अंधारात दिसतं का? असे अनेक प्रश्न आपल्याला पडतात. पण यामागचं नेमकं कारणं फार कमी जणांना माहित असते. अंधारातही डासांना आपण कुठे आहोत ते कसे समजते जाणून घ्या.
आपण कुठे आहोत हे आपल्यामुळेच डासांना समजते. आपण श्वास सोडताना जो कार्बन डायऑक्साईड सोडतो तो याला कारणीभूत ठरतो. या कार्बन डायऑक्साईड आणि शरीराच्या वासामुळे डासांना आपण कुठे आहोत ते लगेच समजते.
आणखी वाचा: सफरचंद, बटाटे कापल्यानंतर काळे का पडतात? जाणून घ्या यामागचं वैज्ञानिक कारण
अशाप्रकारे रात्रीच्या अंधारातही डासांना आपण कुठे आहोत ते समजते आणि ते आपली झोपमोड करतात. यासह डासांचे आणखी एक वैशिष्ट्य म्हणजे केवळ मादी डासच आपल्याला चावते. नर डास कधीही चावत नाही. शरीराचा वास, शरीरातून बाहेर पडणारा कार्बन डायऑक्साईड यासह शरीराला येणाऱ्या घामाच्या वासावरून मादी डासांना आपण कुठे आहोत ते समजते.
