मतदार यादीमध्ये नाव नोंदवण्याची ऑनलाईन आणि ऑफलाईन पद्धत कोणती? जाणून घ्या

ऑनलाईन पर्यायामध्ये मतदार निवडणूक नोंदणी विभागाच्या वेबसाईटवर अर्ज करू शकतात, तर ऑफलाईन पर्यायामध्ये पोस्टाने अर्ज आणि कागदपत्रे निवडणूक नोंदणी विभागाला पाठवू शकतात. हे दोन्ही पर्याय वापरण्यासाठी कोणत्या पायऱ्या वापराव्या जाणून घ्या.

आणखी वाचा

कंत्राटदार परवेशला काळ्या यादीत टाकण्याची शिफारस, काय आहे प्रकरण ?

Bigg Boss 18 : गुणरत्न सदावर्तेंची शोमध्ये एन्ट्री,…

गव्हाचे पीठ जास्त दिवस साठवल्यास किडे होतात? ‘या’ सोप्या उपायांनी जास्त दिवस टिकू शकेल पीठ

केसातील उवा कोणत्या ऋतूमध्ये होतात? त्यांच्यापासून दूर राहण्यासाठी तज्ज्ञांनी सांगितला उपाय…

वैयक्तिक कर्ज मिळवण्यासाठी चार महत्त्वाचे सल्ले; त्वरित कर्ज घेताना कोणत्या चुका टाळाव्यात?

सीआरपीएफमध्ये दहावी पास उमेदवारांसाठी सुवर्णसंधी; ११ हजारांहून अधिक पदांसाठी भरती, पगारही तगडा, जाणून घ्या पात्रता

मतदार ओळखपत्रावरील फोटो बदलायचा आहे? ऑनलाइन बदल करण्यासाठी फॉलो करा या सोप्या स्टेप्स

Royal Enfield ला टक्कर देण्यासाठी येतेय ‘ही’ नवीन बाईक, जबरदस्त लूक, ३३४ सीसी इंजिन अन्…; जाणून घ्या किंमत, फीचर्स

ऑनलाईन पद्धत
ऑनलाईन पद्धतीने मतदार यादीत नाव नोंदवण्यासाठी पुढील क्रम वापरा

अर्ज करण्यासाठी आवश्यक कागदपत्रे

• रंगीत पासपोर्ट साईझ फोटो
• घरच्या पत्त्याचा पुरावा अॅड्रेस प्रूफ) – यासाठी आधार कार्ड, ड्रायव्हिंग लायसन्स, बँक पासबुक
• वयाचा पुरावा – जन्माचा दाखला किंवा शाळा सोडल्याचा दाखला वयाचा पुरावा म्हणून देऊ शकता. (जर तुमचे वय १८ ते २१ वर्षांमध्ये असेल तरच हा पुरावा मागितला जातो.)

या कागदपत्रांची ऑनलाईन कॉपी तयार ठेवा आणि निवडणूक नोंदणी विभागाच्या अधिकृत वेबसाईटवर जाऊन अर्ज करा. त्यामध्ये दिलेला फॉर्म भरून त्याचप्रमाणे विचारण्यात आलेली कागदपत्रे अपलोड केल्यानंतर तुमची ऑनलाईन प्रक्रिया पूर्ण होईल. यानंतर तुमची नावनोंदणी झाली आहे की नाही ते व्होटर हेल्पलाइन ॲप वर तपासू शकता.

Internet Hack : इंटरनेटद्वारे होऊ शकतो तुमचा फोन हॅक; हे टाळण्यासाठी नेहमी ‘या’ गोष्टी लक्षात ठेवा

ऑफलाईन पद्धत
मतदार यादीमध्ये नाव नोंदवण्याची ऑफलाईन पद्धतही सोपी आहे. यासाठी तुम्हाला ‘फॉर्म ६’ भरून पोस्टाने निवडणूक नोंदणी विभागाला पाठवू शकता. हा फॉर्म निवडणूक नोंदणी विभागाच्या कार्यालयामध्ये मोफत उपलब्ध होतो. किंवा तुम्ही ऑनलाईन हा फॉर्म डाऊनलोड करून त्याची प्रिंट काढू शकता. हा फॉर्म आणि ऑनलाईन पद्धतीमध्ये सांगितलेली सर्व महत्त्वाची कागदपत्रे तुम्ही पोस्टाने निवडणूक नोंदणी विभागाला किंवा निवडणूक नोंदणी अधिकाऱ्यांना पाठवू शकता. तुम्ही स्वतः निवडणूक नोंदणी विभागाच्या कार्यालयात जाऊनही हा फॉर्म आणि कागदपत्रं जमा करू शकता. अशाप्रकारे ऑफलाईन पद्धतीने मतदार यादीत नाव नोंदवता येते. जर या प्रक्रियेबाबत काही शंका असेल तर तुम्ही 1950 या क्रमांकावर फोन करु शकता. (या नंबरपूर्वी तुमचा एसटीडी कोड वापरण्यास विसरू नका.)